變奏版荔園好玩攻略

今年，荔園再臨，改以「夏日大晒」為主題，只保留小量經典元素，換來一系列全新遊戲，加上場地移師亞洲國際博覽館，大家可歎住冷氣挑戰各種玩意，不用再日曬雨淋了。

蘇飛坐鎮 經典齊回味

「荔園Super Summer 2016」可說是荔園第3代，找來女飛賊蘇飛與人氣卡通《妖怪手錶》的一眾得意角色助陣—前者除了帶來設計繽紛的大型裝置，又以迷宮形式引領大家重溫荔園的種種經典；後者則把櫻花鎮搬入會場，備有多個遊戲等你玩，考驗反應、配對和認知能力。

「充氣大暴走」全長110米，是全港最長的室內充氣競技遊戲，闖關過程既要爬上爬落，更要跨越多重障礙物。	加入新元素之餘，亦不乏經典玩意，包括吸蕉大笨象亦再度登場。	經典設施「恐龍屋」變了充氣玩意，只需爬入它的肚皮，即可跳餐飽。

數到場內最吸引的遊戲，非「充氣大暴走」莫屬，全長110米，號稱全港最長的室內充氣競技遊戲。經典設施「恐龍屋」亦變身充氣玩意，小朋友可於充滿彈性的肚皮跳餐飽。順帶一提，是次活動另設室外場區，可試玩全港首個電動高卡車車場「XRace」，賽道由舒麥加的賽道設計師Michael Kolbinger設計，絕對刺激。

場內設有「零秒出手」、「百發百中」、「我要射波」、「掟階磚」等多款攤位遊戲，圖為「別有洞天」。

好大個「彩虹波波池」啊！最啱約埋一班小朋友玩捉迷藏用波波做掩護。

抵玩貼士

貼士1：早上入場 收費最平

今年荔園將按入場時段收費，星期一至四，或星期五至日早上入場最抵，只需$140，慳錢之餘，又毋須同人逼。

貼士2：機鐵來回 小童免費

博覽館位置偏遠，交通費唔平，幸好大會推出乘車優惠，3至11歲可免費搭機鐵，成人則享有來回優惠，以香港站入閘為例，費用為$57，比平日便宜7成。

貼士3：百發百中 最易中獎

有得玩兼有獎品，才叫值回票價。場內多款攤位遊戲都有豐富獎品，小記推介大家挑戰「百發百中」，技術要求不高，標靶的距離又近，毋須太多運氣都有機會勝出，想滿載而歸，一定要玩這個遊戲。

活動詳情

日期：即日至8月7日

地點：亞洲國際博覽館

時間：11:00am~8:00pm（星期一至四）、10:00am~8:00pm（星期五至日）

門票：$140起（包10個代幣）

網址：laiyuen.hk/#welcome

同場加映：探索大自然遊學園×動物農莊2016最後召集

除了可親近小兔、小羊、倉鼠、天竺鼠、龍貓仔、鸚鵡、小丑魚、寄居蟹等小動物，還可體驗耕種樂、充氣玩意，以及在新增的「水果遊樂園」內玩遊戲，學習趣味知識。

會場特設充氣玩意，小寶寶可盡情在充氣活動區蹦蹦跳跳。

海洋生物探索之旅請來小丑魚、水母、海星以及寄居蟹亮相。

活動詳情

日期：即日

地點：亞洲國際博覽館3及6號展館

開放時間：10:00am~8:00pm

入場費：$40（幼兒）、$90（成人）、$160（小童）

網址：www.naturefun.hk

撰文：吳俊賢

部分攝影：張群生

模特兒：Connie（Inflate）