Jaguar XJ R-Sport紳士運動家

街上見到的豪華房車，平治、寶馬佔了大多數，正所謂唔悶都厭。唔想人云亦云，市場上其實仲有其他好選擇，好似積架（Jaguar）旗艦房車XJ咁，唔止夠豪夠台型，最近還罕見地引進R-Sport版本，車身裝上跑化包圍、20吋輪圈及蜂網鬼面罩，貴族「大貓」也武裝起來，不願隨波逐流的老闆，呢部有冇得諗？

Jaguar XJ R-Sport 售價：$1,698,000

逾3米軸距空間寬敞

Facelifted XJ的外觀變化不大，不過只是車身線條經過輕微修飾及換上標誌性「Double J」設計的Full LED頭燈，再加上R-Sport包圍，整體觀感已大為不同，紳士變成運動健將。Jaguar XJ有標準及長陣版本，今次試駕的XJ R-Sport是建基於前者開發，雖然標準版的車體相對較短，不過其軸距同樣突破3m，前、後排乘客都有極闊落的空間，配合極致舒適的皮革座椅、四區恒溫冷氣及後座電動太陽擋，較諸常見的兩大德國豪車品牌，XJ的貴氣程度及質感都有過之而無不及，德國車膩了，不妨試一下大不列顛出品，感受華麗的英倫貴族風。

全鋁車架加速凌厲

車身輕量化對提升整體性能有很大作用，近年不少車廠都投放大量資源研發輕量材料應用在汽車上，如採用全鋁合金車架製造的XJ R-Sport，即使車長達5.13m，其重量亦只不過是1,765kg，配合340匹3.0公升V6 Supercharged引擎，加速力凌厲得如中型房跑，中至高轉的威力尤其勇猛。同時，XJ R-Sport的懸掛備有Self-Leveling功能，行車動態不會受車尾載重影響，時刻都可保持最佳的操控表現及穩定性。代理指，XJ R-Sport只需5.9秒便可完成0~100km/h，前排還標配了運動型座椅。計我話，XJ唔一定要揀後座嚟坐先叫識嘢，自己揸其實都幾爽。

LED日間行車燈採用標誌性的「Double J」設計，頭燈色溫亦與天然日照相近。	車尾裝上小尾翼，迎合R-Sport的運動形象。	20吋輪圈用上接近黑色的深灰色調，賣相更具跑格。
引擎為3.0公升Supercharged，每百公里綜合油耗為9.6L。	自動波箱設有八前速，轉波過程十分暢順。	門壁加上碳纖維裝飾，令車廂氛圍更加熱血。
軸距達到3,032mm，後排乘客擁有充足的伸展空間。	車廂布局不但豪華極致，還滲透着運動氣息。	車上設有四區恒溫冷氣，後排左右冷暖都可獨立調節。

標配電索門不擾人

XJ的豪華氣派不僅彰顯於外觀上，只要走進車廂，便會感到被一股無形貴氣包圍着。首先，XJ R-Sport標配了「Soft Door Close」電索門功能，閂門時不會「澎」一聲那麼擾人，坐上頂級皮革座椅、升上遮光簾，再用藍芽將智能電話接上輸出達825W的Meridian數碼環迴音響播歌，配合車廂的Mood Lighting，身處如此愜意的車廂，怎會不爽？此外，由電子屏幕組成的儀錶板，使用Normal或Dynamic駕駛模式時，介面還有4個不同的顯示，駕駛者可按當時心情隨時切換，甚至整個屏幕顯示導航資訊，令駕駛變得更輕鬆自在。