「內戰」英雄旺角現身

《美國隊長3︰英雄內戰》即將上映，想親身睇晒兩大陣營嘅英雄，除咗入戲院之外，仲可到旺角MOKO新世紀廣場逛一下，事關Hot Toys於該處設立了期間限定店，展出Iron Man XLVI、美國隊長、黑豹、幻視、寒冬戰士等多款1:6 Figures，畀大家一窺全貌。同場仲有預告片中一閃即逝嘅大奸角交叉骨，無論匕首、軍服、避彈衣都全部造齊。
1:1原大雕像設有專屬地台，全部高逾2米！
1:1原大雕像設有專屬地台，全部高逾2米！

另一亮點是4款1:1真人原大雕像，「藍色陣營」由美國隊長攜同Giant-Man出動，前者頭雕似足演員Chris Evans，後者則是全球首度展出，高達7呎霸氣十足，頭盔更如實塗上電鍍銀。「紅色陣營」由Iron Man Mark XLVI率領War Machine現身，由裝甲線條、顏色到圖案都幾可亂真，配合多盞LED燈效果逼真。同場仲有電鍍版及絨毛版Cosbaby發售，加上半胸像、杯墊、貼紙、匙扣及水晶玻璃杯等精品，玩具迷定能滿載而歸。

活動詳情

主題︰Marvel《美國隊長3︰英雄內戰》期間限定店 Powered by Hot Toys

日期︰由即日起至5月15日

時間︰11:00am~9:00pm（星期五、六及公眾假期延長至10:00pm）

地點︰旺角MOKO新世紀廣場MTR樓層

Hot Toys期間限定店已開幕，經過旺角不妨逛一下。
  • Hot Toys期間限定店已開幕，經過旺角不妨逛一下。
大奸角交叉骨首度亮相，軍服加舊化型到震，不過現場未有得訂。
  • 大奸角交叉骨首度亮相，軍服加舊化型到震，不過現場未有得訂。
「美國隊長內戰別注版」接受預訂，預訂價$1,480，非會員限量300個。
  • 「美國隊長內戰別注版」接受預訂，預訂價$1,480，非會員限量300個。

入場可預訂「紅女巫復聯別注版」，預訂價$1,430，非會員限量500個。
  • 入場可預訂「紅女巫復聯別注版」，預訂價$1,430，非會員限量500個。
美國隊長及Mark XLVI電鍍版Cosbaby，每套售$198。
  • 美國隊長及Mark XLVI電鍍版Cosbaby，每套售$198。

撰文：陳志滔

攝影：林資凱