林妃媛紅遍網絡

魅影誘惑

今年26歲，嚟自北京嘅寫真模特兒林妃媛，從事寫真模特兒工作不過一年多嘅時間。雖然論年紀相對上好似冇乜優勢，但正正係憑住佢成熟嘅魅力，加上從內滲透出嚟嘅妖艷味道，配合埋前凸後趷嘅魔鬼身材，唔單止令佢成功喺寫真界打出名堂，更紅遍整個網絡。可能有人會覺得所謂妖味，不過係靠超性感嘅寫真造型谷出嚟，只係呢種睇法未免有啲偏頗。事實上，縱然佢經常喺寫真中有大膽演出，但妖艷魅力卻係從佢嘅眼神中散發出嚟。正係佢眼神中所散發嘅撩人味道，令佢喺眾多寫真模特兒中跑出，作品更獲得極大回響，甚至被譽為現今內地寫真模特兒中，被搜尋名字次數最高嘅一位。佢除咗拍攝寫真，仲會以唔同身份，好似商品模特兒同車模等，喺各種平面媒體同車展中亮相，佢最近就專注於網絡直播騷嘅工作，不但深受網民嘅歡迎，更成為直播平台中嘅首席紅人！呢種超乎其他模特兒嘅投入度，正好說明佢嘅名字點解可以喺網絡上如此具人氣，同時亦證明佢深明自己嘅本錢，其實在於佢喺網絡上嘅支持度。

影壇爆發

既然喺寫真界同埋網絡直播上，獲得如此多支持，梗係要挾住高人氣進軍演藝圈。事實上，早喺去年中開始，佢已經積極向演藝圈發展，並且喺10月演出首套電視劇。作為性感迷人嘅模特兒，家陣跳入演藝圈，唔少人總會心諗佢唔係做花瓶就係飾演賣弄性感嘅角色。不過對於呢位演藝圈新人嚟講，喺處女作中不但扮演一位時尚儷人，更憑住精彩嘅演出，而被視為新進實力派女演員。事實上，當佢得悉成功獲得劇中角色時，內心感到前所未有咁緊張，皆因呢一次真係全新嘅挑戰。為咗演繹好呢個角色，佢花咗極長嘅時間揣摩戲中角色嘅性格。好彩佢嘅努力並冇白費，演出不但獲得對手嘅讚賞，而勤奮又認真嘅表現更係備受劇組人員讚揚。成功嘅第一步，令佢獲得更多機會，不但獲得電視劇及網絡劇演出嘅機會，更有機會參與電影嘅演出。呢個成績對於一位新進嘅演員嚟講，真係夢寐以求嘅事，甚至可能連佢自己都冇諗過，喺演藝圈嘅發展會咁順利。雖然佢積極向演藝圈發展，但一直以嚟都冇忘記寫真模特兒及網絡直播主持嘅身份，為咗令更多人認識自己，佢更經常更新個人微博，同大家分享近況，當然唔少得向粉絲發放福利啦！

個人微博

雖然林妃媛往往畀人妖艷嘅感覺，但現實中嘅佢係個好搞笑同調皮嘅人，而呢番說話正好同大家嘅寫真中見到喺佢有極大反差。究竟真實嘅佢係個點樣嘅人嚟呢？如果有興趣深入認識佢嘅話，就等大家親自用眼睛鑑別一下。

網址：www.weibo.com/linfeiyuan?is_hot=1

林妃媛Profile

出生地：北京

身高：170cm

三圍：35、24、36

撰文：魂