Audi SQ5重實用愛刺激

SUV近十年成為了汽車市場主角之一，全因它滿足買家對實用與操控性的要求。在香港，一車載五人仲可以放入多件大型行李，同時又可以讓你疾走的車款無疑大有走紅的條件。Audi旗下有多款SUV，其中SQ5 3.0 TFSI quattro便達到上述的要求，5.4秒由靜止加速至100km/h，這種表現絕對可以吸引到愛刺激的朋友。

Audi SQ5 優惠價：$749,900起

一車滿足多個要求

從前買車以行得走得易修理為大前提，其後人人追求速度，就算係汽油「大嘥鬼」都唔緊要，但係時代不同了，今時今日買車的條件要求更多。除了外形靚、空間實用、慳油之餘又要性能強，以上條件覺得似「揀老公」多些！事實上，汽車製造商早已朝多功能方向出發，滿足用家一件貨可達到多個願望的要求。Audi早年推出的Q5在世界各地都受歡迎，香港推出更旋即售罄。事實上Q5的尺碼恰到好處，外形動感年輕，車廂實用性高，符合用家口味。而後期推出的SQ5可滿足埋追求操控欲望的車迷。搭載的3公升TFSI引擎，馬力高達354hp，並提供頗強的470Nm扭力，0~100km/h加速只需5.4秒，應付香港路況綽綽有餘。

配上V6 TFSI引擎可輸出354hp馬力，足以應付香港路況。

中控台設計簡約實用，切合現代用家的需要。

兩圈式儀錶板中間，以資訊屏幕分割，閱讀更清晰。

起步爽攻彎穩定

大多數SUV的馬力約逾二百匹，但SQ5則擁有強勁的心臟，操控感頗強，以D波起步，強大的扭力能應聲彈出，八前速Tiptronic自動波箱運作敏捷，起步後迅即以加減波介入，三、四波的力量頗強，走在飛鵝山一帶的山路，於多個出彎位置踩油，力量迅速提升，令到出彎動作更完美。車身的穩定性頗高，雖然車高達到1,627mm，但懸掛系統經過調校，較一般Q5降低了30mm，在較低的重心下，有助彎位走動的靈活性。其次，當然是quattro四輪驅動系統的優點，無論是多個彎位或較為起伏的路面，平均動力分布令操控更穩定。新車共有5種駕駛模式，包括Comfort或Dynamic等模式，想舒適駕駛或者疾走一番，悉隨尊便。

大天窗佔了車頂近三分之二，夠晒開揚。

尾燈加入了LED燈管，令外形更醒神。

空間寬敞載物量高

追求實用是近年買車的重點之一，能夠坐多個人，尾箱可以放多個篋，已可以贏對手成條街了。SQ5擁有大尾箱設計，打開揭背尾門是個540公升的載物空間，開SUV的朋友大多是好動一族，所以尾箱的使用率會較高，放入滑水板、單車或走到超市買一大堆日用品及食物的大有人在，所以摺合後椅所騰出來的1,560公升超大空間就合晒心水。即使你並非上述類別人士，相信你總有機會放入旅行篋去機場，要放入三至四個Rimowa一定不成問題。車廂的舒適度如何？前後排的頭部空間確實不錯，後排腿部亦有足夠位置伸展，除非你身高超過六呎，否則不要在雞蛋裏挑骨頭。綜合而言，如果你喜歡德國汽車，實用空間，得閒時又愛踩兩腳油轟幾轉，咁就揀佢啦！