袋唔怕舊潮撐Vintage Bag

時裝人最怕撞衫撞手袋，一係唔着，一着就要與別不同。你睇女神水原希子、83歲時尚達人Joyce Carpati、衣着走在最前的Lady GaGa、碧咸嫂Victoria Beckham，各有風格，季季跟着潮流換新衫，但卻不約而同偏愛古董手袋的那種舊韻味，證明它愈舊愈罕有，愈有人Buy。

一屋靚衫靚袋的徐濠縈（Hilary Tsui），特別鍾情於獨一無二的古董袋，不會跟其他人撞款。

徐濠縈力撐古董手袋襯新衫

女人愛手袋，愛到一個地步，會愈舊愈愛，外國不少小店也看準這個商機，開設專賣古董手袋的實體或網上商店，以滿足舊袋愛好者。作為本地時尚達人兼Vintage愛好者之一的徐濠縈（Hilary Tsui），亦勁Buy新衫撞古董手袋的衣着配搭：「我和拍檔Dorothy Hui一向鍾意Vintage衫，但由於衫褲裙太貼身，未必人人接受，所以今次特別從日本搜羅一批罕見的古董手袋，全部保養度高及有認證，希望令大家對舊物的睇法改觀。另外，由於一款只得一個，買到心頭好，就好似執到寶一樣咁開心。」既然古董手袋是一種永遠不會過時的Fashion Style，今季大家當然點都要跟！

衣着打扮出位過人的Lady GaGa，間中會回復正常，簡簡單單一身黑，搭個古董袋見粉絲。

衣着打扮出位過人的Lady GaGa，間中會回復正常，簡簡單單一身黑，搭個古董袋見粉絲。

有不少名人都愛古董袋，碧咸嫂Victoria Beckham便是其中一個。

女神水原希子也愛古董袋，在巴黎出騷的日子，經常孭住古董版CHANEL牛仔布背囊四處去。

女神水原希子也愛古董袋，在巴黎出騷的日子，經常孭住古董版CHANEL牛仔布背囊四處去。

83歲都可以做時尚達人，這位有型婆婆名叫Joyce Carpati，出名着衫夠潮，兼喜歡古董手袋。

83歲都可以做時尚達人，這位有型婆婆名叫Joyce Carpati，出名着衫夠潮，兼喜歡古董手袋。

韓國Vintage Artist改裝術

如果你嫌古董手袋過晒氣，自稱為Vintage Artist的韓國代表Dylan Ryu應該幫到手。其絕招是將名牌古董手袋改頭換面，在原本的袋身加入鑲石、刺繡、流蘇、蝴蝶結、徽章、喱士等細節，令其變身為獨一無二的Vintage手袋。她的作品更經常得到當地及海外雜誌廣泛報道，本地某大時裝店也曾邀請她來港示範這門絕技，你一定要識。

古董CHANEL淺啡色麖皮鏈袋 $19,600	古董CHANEL青綠色菱格方形手挽袋 $6,800	古董CHANEL銀色手提包 $14,500
古董CHANEL紅色絹布×金鏈手袋 $14,000	古董CHANEL啡色麖皮菱格手挽袋 $11,000	古董CHANEL黑色菱格手挽袋 $15,000