突破fur傳統

皮草向來予人高貴華麗的印象,不過今時今日的皮草早已不再局限於單一風格,由香港毛皮業協會屬下青委會主辦的香港皮草設計比賽2016,就呈現了皮草多變兼具時尚個性的style,參賽學生們發揮無限創意與嶄新思維,設計出多款獨特且有新意的皮草服裝,無論在用料和用色上亦突破了皮草傳統的框框,在原有的華貴基調上加入不同元素,例如以不同質料拚合,又或是大玩顏色與剪裁,讓作品展現多元化風格,既有優雅俏麗,亦有型格與女性美兼備。

Hidy Ng潮流預告

著名時裝設計師伍均琪(Hidy Ng)預告2016秋冬的皮草潮流:「依家全球暖化,整個皮草業嘅趨勢亦都變咗,已經唔再係好似以前咁成件皮草好grand好大件咁樣,而係可以casual啲,mix埋唔同嘅質料同埋玩啲唔同嘅顏色,皮草設計進入咗一個daily啲同更wearable嘅年代,毛皮長度趨向短身毛,唔會成件都係皮草,可能只係前幅或者手袖,好似裝飾咁。顏色方面主要分兩類,有黑、白、灰、啡等中性同襟興嘅色調,另一種就係fun fur,例如有彩色highlight或者係patchwork,嚟緊嘅皮草會係trendy啲,穩陣但又型啲嘅style。」

採訪:張嘉敏

攝影:劉智源

Hair Styling:Kiff @ POP EIGHT

場地:MAGNUM