師情草意：What a Poppy family！
「There were big yellow and white and blue and purple blossoms, besides great clusters of scarlet poppies,......when there are many of these flowers together their odor is so powerful that anyone who breathes it falls asleep, and if the sleeper is not carried away from the scent of the flowers, he sleeps on and on forever」（取自「The Wonderful Wizard of Oz」－1930）
喺《綠野仙蹤》（「The Wonderful Wizard of Oz」）入面，女主角Dorothy去Emerald City途中，經過一片滿布猩紅色Poppy嘅花海，Dorothy被佢哋艷麗嘅外表深深吸引，加上佢哋散發住迷人香氣，令到Dorothy停下腳步，但呢啲Poppy嘅香氣帶有神奇魔法，能夠令人昏昏欲睡，Dorothy就係咁「一睡不起」。
現實生活中，確實有一種Poppy，適量使用能夠有助入睡1，2，3，4，但當過量使用時，佢就能夠令人「長眠」，更因此成為沉睡嘅象徵。佢就係可以用嚟製成鴉片嘅鴉片罌粟（Papaver somniferum）。鴉片罌粟含有超過40種鴉片生物鹼（Opium alkaloid），當中有我哋熟悉嘅嗎啡（Morphine），帶有止痛作用，亦係一種非常有效嘅麻醉劑4。雖然使用鴉片罌粟時，需要分外留心，但佢卓越嘅功效確係無可置疑，所以得到「Father of English medicine」Thomas Sydenham醫生高度讚揚，形容佢為世上獨一無二嘅止痛劑，甚至公開表明倘若鴉片罌粟喺藥典中被剔除，佢就從此放棄行醫。由此可見，鴉片罌粟喺醫藥界有着崇高地位。
鴉片罌粟除咗能夠幫我哋處理癥狀之外，亦可以被用作食材。佢嘅籽係食用部分，只要經過加工加入甜味，就可以用嚟做成餡料、麵包及糕點等。另外，亦可以用冷壓法提取帶有杏仁味嘅罌粟籽油，製成Huile d'oeilletto，用嚟做沙律醬汁。
不過，鴉片罌粟一般係白色或紫紅色，更有被統稱為White Poppy，咁到底《綠野仙蹤》入面猩紅色嘅Poppy係唔係鴉片罌粟呢？（待續）
1.Bown, D.（2014）. Encyclopedia of Herbs. London, Great Britain: Dorling Kindersley Limited.
2.Bartram, T.（2015）. Bartram's Encyclopedia of Herbal Medicine. London, Great Britain: Robinson Publishing Ltd.
3.Grieve, M.（1981）. A Modern Herbal. New York, NY: Dover Publications, Inc.
4.Chevalier, A.（2000）. Encyclopedia of Herbal Medicine. New York, NY: DK Publishing Inc.
Alice Chan（陳雅詩）
（Reg. Psychologist）香港註冊心理學家
（Chartered Herbalist）加拿大特許西草藥師
M.Sc.（University of London）
High Dip. Pharma Tech.
Email：alice@wherbta.com
Dr. Bonita T.Y. Chan（陳德宜）
Registered Herbalist
加拿大安大略省註冊西草藥師（Nutritionist）營養學家
Ph.D（The Chinese University of Hong Kong）香港中文大學生化博士
前美國Baylor College of Medicine,Texas Medical Centre疾病機理研究員
前美國University of Pittsburgh疾病機理研究員
Email：bonitatychan@wherbta.com