足不出戶梳乎歎海鮮Hot Pot

生猛海產送上門

在社交網站擁有過萬粉絲的海產網店「海鮮生」，其老闆經營海鮮批發逾20年，直至今年3月才開辦網店，靠口碑人傳人於短時間內已儲落一批熟客。網店最大賣點莫過於有專人將生猛紮紮跳的魚蝦蟹等海鮮直送到客人家中，讓他們足不出戶即可嘗到世界各地鮮活滋味。

或許大家會問：「有幾新鮮先？」從一段客人自行上載的短片中見到走甩了的蟹通屋走就知！網店在運送海產過程中，會先用冰令海鮮處於冬眠狀態以保存，故當海產「瞓醒」自會「逃亡」，大家務必嚴陣以待。而對於入廚初哥，網店的師傅會提供專業意見和建議食譜，服務相當細心。

魚場第一手靚貨

海產夠新鮮固然好，但都要本身質素高先得。團隊每朝早5點鐘已到香港仔魚類批發市場取貨，確保拿到即日第一手靚貨。當中包括船貨及飛機貨，如肉質鮮甜結實、每隻至少斤零重的美國水晶蟹，簡單用上湯灼熟即可。而日本四大名蟹之一的松葉蟹亦保證每隻至少足12両重，甚至有重達2斤的貨色，肉質嫩滑，蟹膏較水晶蟹更多。另外，亦有澳洲野生大青鮑、手臂般長的野生斑馬瀨尿蝦、外形碩大得被行內人稱之為「怪獸」的菲律賓琵琶蝦等均有供應，無論作火鍋料或蒸來吃都鮮味不已。

行外人要取得這些鮮貨絕非易事，網店第一手在魚市場以批發價取貨後，便能以較相宜的價錢供應給食客。而為慶祝社交網站粉絲突破萬人，網店多款海產更以優惠價發售，更抵食！

簡單在網上落柯打，一班人就可安坐家中歎生猛海鮮火鍋。	空運日本松葉蟹 $300/斤（原價$390/斤） 每日空運到港的日本四大名蟹之一，生活在深海，以肉質鮮嫩多汁而馳名，每隻均分量十足。	空運美國水晶蟹 $300/斤（原價$390/斤） 水晶蟹因居於深海，長期受壓力故殼身較一般蟹薄，同時因所處海域鹽分較高，肉質亦鮮甜可口且鹹鮮。

海鮮生

網址：www.facebook.com/mr.seafood888

優質火鍋懶人包

鮮活海產送抵家中雖然方便，但未必人人識得原條或原隻生劏清洗，大忙人或入廚新手還是喜愛「懶人包」，簡單一開即可灼熟來吃。由Seamart供應的高級海鮮直送服務，幾位80後老闆窩心地按每位客人需要，將指定的海產清洗、處理及包裝好才送到客人府上，拆開包裝即煮即可品嘗。

負責人Shelley（左）和Jun（右）每天親力親為，以相宜的價錢為客人預備海鮮火鍋懶人包。	象拔蚌Size肥大，每隻至少1.6公斤重，作刺身或作火鍋配料灼熟皆可，為安全起見，較Creamy的蚌膽則烹調熟食最為合適。	原條象拔蚌 $788/切條 來自加州的象拔蚌是Seamart的招牌菜，負責人Jun指切條比切片更能嘗其鮮味，口感更佳。

小店的鮮貨每天早上9點由碼頭送抵堅尼地城門市，按柯打及顧客需要處理後即日分送到港九新界各區，保證新鮮。而店舖更設有火鍋直送服務，各種湯底如招牌海鮮濃湯、鮮味花甲蟹煲和新推出的泰式冬蔭功湯等，連同各種海鮮火鍋配料如招牌原條象拔蚌、波士頓龍蝦、西貢大泥鯭等送到家門，大家只需開定爐等門鐘響貨到就可以開餐，便捷省時！

店舖會為客人妥善處理、洗淨好各類水產，讓客人一開便可烹煮，免卻劏洗等繁瑣步驟。

不少懶人海鮮包已預先處理洗淨，如扇貝、西貢大泥鯭、波士頓龍蝦等，劏洗乾淨、包上保鮮膜才送到客人手上。

Seamart

網址：www.seamart.hk

撰文：鄧偉豐　

部分攝影：林資凱