獨自在山坡手機護航

今日係雙十一光棍節，單身男士想脫離「毒男」之名，梗係要去戶外吸收正能量。撞啱秋高氣爽，想體驗「獨自在山坡，高處未算高」感覺，又要確保一支公上山安全，最好帶埋合適嘅手機傍身。今次介紹嘅Huawei G7 Plus擁有雙天線兼雙卡雙待強化接收能力，Sony Z5 Compact支援全天候保護，若是iPhone 6s用家仲可加裝mophie防水防撞充電殼，咁就玩得安心又放心！

G7 Plus備有5.5吋屏幕，而且亮度及對比度高，日光下都睇得清楚。<br>售價：$2,980（a）

G7 Plus備有5.5吋屏幕，而且亮度及對比度高，日光下都睇得清楚。
售價：$2,980（a）

G7 Plus雙天線無死角

香港嘅山徑大多遠離市區，手機網絡覆蓋點都差啲。想同屋企人和好友保持聯絡，在山上「打卡」報平安的話，不妨揀番部接收較佳嘅手機，Huawei新推出的G7 Plus，內置雙天線設計，支援智能雙天線切換技術，當天線被外物或手掌遮蔽，手機會自動轉換至另一組天線，確保接收穩定。

此外，新機支援雙卡雙待功能，行山時兩個卡槽分別插入唔同電訊商嘅SIM卡，自然更加安心。

機身以鋁合金打造，背面上下藏有雙天線。

支援雙卡雙待功能，不過卡槽2與microSD卡共用。

內置「化妝」模式，想為女神加入不同妝容都掂。

Z5 Compact落雨也不怕

香港天氣陰晴不定，出門時猛太陽，下一刻可能落毛毛細雨。唔想手機變落湯雞，可考慮Sony新機Xperia Z5 Compact，它支援IP65/IP68規格，莫講話濕水，就算跌落1.5米水深都可正常操作30分鐘，啱晒全天候使用。此機仲係市場上少見嘅4.6吋「細芒」旗艦機，Size明顯比同級手機的骰，而且僅得138g重量，攝落行山背囊或袋入腰包啱啱好，便攜性一流。

Z5 Compact機仔細細，塞落行山背囊話咁易。<br>售價：$4,798（b）

Z5 Compact機仔細細，塞落行山背囊話咁易。
售價：$4,798（b）

支援IP65/IP68規格，遇着落雨都唔使怕。

SIM卡及記憶卡槽設有保護蓋，濕水前記得閂好。

juice pack H2PRO充電機殼

身為光棍果粉，唔想轉投Android陣營都有辦法！mophie專為iPhone 6/6s設計的juice pack H2PRO充電殼，內置2,750mAh電池足夠為手機補充電力。最重要是機身支援IP68防水防塵標準之餘，並符合810G美國軍事標準，可抵受一定程度衝擊及跌落，令iPhone搖身一變成防護王，唔小心跌落石階都頂得住。