不癡白不癡:頭一兩分鐘水

書展期間其中一件最感恩的事情,就是我跟同事們可以趁機每天享用清潔的樽裝水。真想不到,活在2015年的香港,能夠飲到清純的食水會那麼難得。

話說回來,樽裝水也可能只是潔淨而已,或許它也含鉛而我們還未發現。怎麼說呢,繼黃碧雲發現啟晴邨水喉水含鉛量超標之後,林依麗又幫市民發現好幾座住宅的食水出現問題,包括私人屋苑在內。

於是有人開始懷疑,鉛水之源頭,會不會根本不在啟晴邨的食水喉之內,而是在東江之中。

鉛水發生之後,出來解畫人士的說話之含金量也高。

衞生署衞生防護中心監測及流行病學處主任程卓端話,如果我哋終身飲嘅水拉勻嚟計,鉛水對人體係冇明顯嘅影響。

或者她有她的道理,但於此時此刻說這樣的話,沒體諒受影響市民之感受,明顯又會惹來一場公關災難。

醫管局威爾斯親王醫院中毒治療中心顧問醫生王紹明說,水喉水頭一、兩分鐘都不適宜飲用,又是世紀金句,是斬腳趾避沙蟲的完美演繹。

等巴士頭一兩架車唔好上?出街食飯頭一兩碗飯唔好食?我舉一,讀者們在Facebook反我三千,證明王醫生的說話也可能是對的:人工頭一兩百蚊都畀人扣起供強積金、一星期頭一兩日唔應該返工、頭一兩個女朋友都唔應該結婚、睇書都係頭一兩頁唔睇。

對,憑我三年書展觀察所得,讀者從來都不要面頭一兩本書的,會直接拿第三本。嗯。

網址:www.facebook.com/linrixi

林日曦•舊香港人