新手挑機 國產旗艦對決

近年手機品牌愈來愈多，尤其係國產牌子，幾乎每隔一年就有新品牌誕生，當中又夾雜潛力股及山寨貨，機Gor身邊唔少朋友大呻好混亂！適逢今期場內新返兩部國產手機，定位都係旗艦級，一部係來自新興品牌樂視嘅樂1 Pro，而另一部就係品牌歷史、知名度都高得多嘅Huawei P8 Max，一於拎晒兩部旗艦作嚟場Battle，睇吓邊部好用啲。
樂1 Pro售價：$3,800（左）<br>Huawei P8 Max 售價：$4,500（右）
樂1 Pro售價：$3,800（左）
Huawei P8 Max 售價：$4,500（右）

樂1 Pro 踩過界之作

品牌「樂視」知名度近年喺中港地區不斷冒升，主要原因當然就係有個影片網站《樂視網》，仲自己製作埋電影、劇集，而且仲出埋盒子、電視等硬件，可以話係百足咁多爪！但咁都未夠喉，4月中仲宣布踩過界出埋手機，一次過發布3部新機，而內地率先開賣就有樂1以及樂1 Pro。過癮在官方仲玩按產量成本定價，列晒各樣硬件嘅成本，透明度又幾高喎！

Huawei P8 Max 終極大芒

一睇型號，應該都估到P8 Max係先前香港開賣、P8嘅兄弟作。其實早於今年4月，Huawei喺倫敦搞發布會時，兩部旗艦機P8、P8 Max係一齊登場，不過後者正式推出嘅日期就遲啲。新機唔單止繼續P8嘅頂級配置、功能，最大賣點就係將屏幕由P8嘅5.2吋，大幅增大至6.8吋，屬近年機界少見嘅超大芒手機，Phablet狂迷一定會Like！

改用USB Type-C介面充電，原裝再送microUSB轉頭，方便用回一般線材。
  • 改用USB Type-C介面充電，原裝再送microUSB轉頭，方便用回一般線材。
原裝附送透明硬身膠機殼，款式簡單。
  • 原裝附送透明硬身膠機殼，款式簡單。
支援雙卡雙待，不過卡槽2與microSD共用，不可同時使用。
  • 支援雙卡雙待，不過卡槽2與microSD共用，不可同時使用。
同樣附送機套，不過款色靚得多，仲似足HTC Dot View喺機套表面加入小孔，唔使打開機套可以睇到時間、來電、天氣等資訊。
  • 同樣附送機套，不過款色靚得多，仲似足HTC Dot View喺機套表面加入小孔，唔使打開機套可以睇到時間、來電、天氣等資訊。

第一回合：鬥屏幕效果

手機當然唔少得用嚟煲劇、睇片，樂1 Pro、P8 Max就分別搭載5.5吋及6.8吋屏幕，前者屏幕出自Sharp手筆，解像度仲高達2,560×1,440，畫面超細緻，對比度、亮度都極正；而且內置自然、樂視、柔和及鮮艷四個色彩模式，唔同口味嘅用家都迎合到。反觀P8 Max屏幕尺寸明顯大得多，可惜解像度只係1,080p，論細緻度就有所輸蝕，但飽和度、可視角度都有唔錯表現；而且P8 Max仲內置「分屏顯示」功能，可以將畫面一分為二，並同時使用兩個不同程式，可以活用呢個大芒。

WIN<br>試睇《蟻俠》試片，樂1 Pro屏幕解像度夠高，細緻度、對比度效果都超班。
  • WIN
    試睇《蟻俠》試片，樂1 Pro屏幕解像度夠高，細緻度、對比度效果都超班。
以P8 Max試播同一條片，屏幕大一截，效果當然更震撼，不過細緻度在對比下就要扣分。
  • 以P8 Max試播同一條片，屏幕大一截，效果當然更震撼，不過細緻度在對比下就要扣分。

第二回合：鬥軟件介面

作為旗艦機，除咗硬件超班，軟件都要好用至得。兩機同樣預載Android系統，不過都換上自家介面，樂1 Pro使用嘅介面名為EUI，最大賣點就係內置樂視影片平台，主頁仲增設「Live桌面」，一按主頁的Live圖示即可直播不同類型節目，不過以上功能大多有地區限制，身處香港睇唔到，可惜！而P8 Max就沿用研發多年嘅EMUI，更引入唔少新功能，好似可以用手指關節輕敲畫面兩下或者以手指關節於畫面劃起指定部分來擷取屏幕、以語音喚醒並尋找手機；而且仲有獨家嘅《導演模式》，可以透過Wi-Fi連接另外3部Android手機玩同時拍攝。

內置大量樂視內容，不過喺香港大部分都睇唔到。
  • 內置大量樂視內容，不過喺香港大部分都睇唔到。
WIN<br>備有《導演模式》，暫時只有P8及P8 Max先用到。
  • WIN
    備有《導演模式》，暫時只有P8及P8 Max先用到。

第三回合：鬥影相自拍

依家人人手機當相機咁用，相片質素一定要見得大場面。樂1 Pro及P8 Max同樣備有1,300萬像素後置鏡頭，而且無論F2.0大光圈、OIS防手震功能以至雙色閃光燈都統統一樣，難怪對焦速度、成像質素都好接近，拍攝效果不俗。至於前置鏡頭，樂1 Pro就採用400萬像素F2.0光圈鏡頭，P8 Max則備有500萬像F2.4光圈鏡頭。既然規格又係咁接近，不如搵Model Hannah試自拍，兼齊齊開着美白功能，樂1 Pro美白效果明顯，不過膚色就顯得假咗啲；P8 Max美白效果一樣咁好，但膚色較自然，相片細緻度更高，髮絲等暗位仍然可以呈現到。

Draw<br>樂1 Pro美白效果相當明顯，臉上瑕疵都冇晒，不過膚色稍稍唔自然。
  • Draw
    樂1 Pro美白效果相當明顯，臉上瑕疵都冇晒，不過膚色稍稍唔自然。
  • 放大圖片
P8 Max美白效能都唔差，膚色更自然，而且暗位層次分明得多。
  • P8 Max美白效能都唔差，膚色更自然，而且暗位層次分明得多。
  • 放大圖片

機Gor Report：Huawei P8 Max 久違了的大芒

樂1 Pro無論軟硬件上都交足貨，以新品牌嚟講誠意十足，機價亦唔算太貴，值得一試。不過招牌賣點樂視內容香港用唔到，實屬可惜。機Gor最擔心反而係新機採用內置記憶體，亦不設記憶卡擴充，儲相、存片都要就住用。而Huawei出機多年，P8 Max大部分功能已經好成熟，最正就係換上用家久違的6吋以上屏幕，依家幾乎冇同類嘅大廠出品，可以話係獨市，鍾意大芒嘅用家不容錯過！

科技Blogger石先生
  • 科技Blogger石先生

達人教路

科技Blogger石先生：「要留意軟件兼容性！」

「新機時不時會出現部分Apps不兼容的情況，尤其是內地水貨機，曾經就有手機因預載一些內地專用的掃描軟件，令到WhatsApp暫時未能使用，需要等待官方的軟件更新。準買家亦可以等待新機推出後約一星期先入手，趁這段時間留意各大網站討論區、官網的用家留言、回應，了解新機的優、缺點，自然買得更安心！」

樂1 Pro 規格表

制式：GSM、WCDMA、LTE

處理器：Qualcomm Snapdragon 810八核心

記憶體：4GB RAM、32GB ROM

屏幕：5.5吋（2,560×1,440解像度）

鏡頭：400萬像素（前置）、1,300萬像素（後置）

電池容積：3,000mAh

對外連接：藍芽4.1、802.11ac、USB Type-C

作業系統：Android 5.0

體積：147.9×73.5×9.5mm

重量：177g

Huawei P8 Max 規格表

制式：GSM、WCDMA、LTE

處理器： HiSilicon Kirin 935八核心

記憶體：3GB RAM、64GB ROM，支援128GB microSD

屏幕：6.8吋（1,920×1,080解像度）

鏡頭：500萬像素（前置）、1,300萬像素（後置）

電池容積：4,360mAh

對外連接：藍芽4.0、802.11n、microUSB

作業系統：Android 5.1

體積：182.7×93×6.8mm

重量：228g

撰文：機Gor

查詢電話：6094 8228