有人話女人嘅凹與凸，令唔少男士神魂顛倒，而所謂凹與凸即係佢哋嘅三圍。事實確係如此，內地辣模兮媛就係一個好例子，皆因佢唔單止擁有迷人嘅樣貌，神級比例嘅火辣身材更係贏盡大眾目光，並以此贏得凹凸女神嘅美譽。
大家千祈唔好覺得奇怪，以為今年24歲嘅內地辣模兮媛真係姓兮，查實佢全名叫做安兮媛，又叫安安安，於2011年出道。翻查資料發現，早喺佢正式投身模特兒界前，已有從事私模工作嘅經驗，而憑住佢多年嚟累積落嚟嘅資歷，令佢一出道就已經予人一種穩重感。憑住出眾嘅外形，雖然獲得唔少注意，但發展並非順利。有感呢個緣故，於是喺2013年10月以現時嘅藝名再戰江湖，並以超大膽嘅性感造型示人，只係發展仍屬一般。及至今年1月中，佢把心一橫以露出度極高嘅黑絲泳衣，加上胸前僅以忌廉遮住兩點嘅造型，瞬間喺網上掀起旋風，唔單止人氣極速飆升，極其誘人嘅凹凸比例三圍更係成為炙手可熱嘅爆乳女模。人氣冒起帶嚟嘅結果，不但頻頻喺時裝、內衣、泳裝等雜誌上亮相，更成為廣告及電玩等商品嘅代言人。
咪以為佢最大嘅夢想係成為一位知名模特兒，查實佢嘅願望係成為旅遊作家，為大家介紹各地嘅風光名勝，亦帶嚟最新嘅旅遊資訊。原來擁有亮麗外形嘅佢，畢業於北京旅遊學院並曾修讀旅遊課程，外語水平更係相當了得，尤其係英文對佢嚟講不過係小菜一碟，故此縱然到外地進行模特兒工作都難佢唔倒。既然係咁，唔知佢未來會否回歸旅遊行業呢？據佢稱暫時仍未有咁嘅打算，事關佢覺得現時好享受喺鏡頭前展現自己嘅感覺，又希望可以乘工作之便，擴闊眼界。更何況佢自覺仍未喺模特兒界闖出成績，希望再畀多少少時間自己，嘗試可否挑戰事業高峰之後，再考慮其他嘅發展。當然，佢唔排除未來有機會組成外地攝影旅行團，邊讓鍾愛自己嘅攝影粉絲為佢拍攝寫真，邊讓佢有機會帶大家遊覽異國名勝。
如果話兮媛凹凸有致嘅身材令人一見傾心，佢修長嘅美腿同樣引人入勝，配合埋佢雪白嘅嬌膚，絕對係人間美神！之但係私底下嘅佢，又係一個點樣嘅人呢？如果大家有興趣了解佢多啲，就要追蹤住佢嘅個人微博，認識呢位迷人索女喇！
網址：www.weibo.com/u/2216530555
出生地：遼寧鞍山
身高：170cm
三圍：36、23、37
撰文：魂