「潛」入東南亞 DC快拍鯨鯊

唔少人趁住暑假外遊，鍾意玩水嘅朋友仲會約埋三五知己潛水影靚相。適逢各大廠商趁住夏天紛紛推出防水DC，今次一於請潛水歷險會課程總監Stephen Au，講吓菲律賓、印尼和馬來西亞3個港人至愛的潛水熱點，仲醒各位幾招用DC攝獵海底奇觀。

菲律賓廣角影鯊魚

菲律賓有好多水域適合潛水，如宿霧、MoalBoal、阿尼洛等地，甚至有機會見到大型鯨鯊出沒。Stephen表示：「拍攝時記得聽潛水導遊指示，同埋避免觸摸海洋生物，清晨時分更是長尾鯊的活動時間，想影到靚相就要早起身。」

Nikon新一代COOLPIX AW130擁有24mm廣角鏡頭，要影到整條鯨鯊或長尾鯊冇難度，再使用預載的水中模式拍攝，便可減低偏色問題。Stephen笑言：「一般初階Level會潛至18米以內，而進階Level就會潛至30米以內，所以AW130唔加殼都有30米防水能力算係幾勁。」

Nikon COOLPIX AW130擁有1,600萬像素CMOS，<br>可深潛至30米。售價：$3,380（a）

Nikon COOLPIX AW130擁有1,600萬像素CMOS，
可深潛至30米。售價：$3,380（a）

鯨鯊係世上體形最大的魚類，要影晒全身惟有靠廣角焦段。

菲律賓宿霧有很大機會遇到長尾鯊，牠們多於清晨時分活動。

印尼微距攝珊瑚

印尼地域大且島嶼多，峇里、Raja Ampat等地均可潛水，Stephen表示：「印尼無論潛到邊都可以睇到美麗嘅珊瑚群，而且物種豐富，唔少細小海洋生物會匿藏喺珊瑚之中。至於魔鬼魚、翻車魚等較大型魚類都有機會見到，絕對唔會空手而回。」要拍攝細小珊瑚及海洋生物，大可考慮Ricoh WG-5 GPS，其鏡頭外圍備有6枚LED補光燈，配合數碼顯微鏡模式，Close-up都影得到。「其實水底冇乜光源，我自己會外加補光燈影相，至於WG-5 GPS的6枚LED燈叫做好過冇，對於唔打算額外添置器材的用家都幫到手。」

印尼的珊瑚群色彩鮮艷，好多細小的海洋生物隱藏其中。

擁有1,600萬像素畫質的Ricoh WG-5 GPS，備有14米防水能力。售價：$2,690（b）

擁有1,600萬像素畫質的Ricoh WG-5 GPS，備有14米防水能力。售價：$2,690（b）

魔鬼魚始終有一定危險性，所以拍攝時記得保持距離。

馬來西亞水中拍海龜

相比之下，馬來西亞就啱一家大細去潛水，事關當地Resort較為完善，Stephen指出：「馬來西亞的西巴丹和沙巴是潛水天堂，可以影到大型海龜，加上佢哋游水速度唔快，可以讓各位慢慢影靚相。另外，經常會遇到Jackfish魚群，拍出來的畫面相當震撼。」Olympus Stylus TG-4內置5種水中拍攝模式，連微距拍攝都有4種咁多，無論是魚群抑或大型海洋生物都兼顧得到。Stephen續道：「我自己都用過Olympus機仔，佢最好嘅地方係可加裝潛水殼及配件，配套夠晒齊全。」