雖然農曆新年就快到，Shopping經常見到新春限定系列、羊年特別版等等，但大家「入貨」時千祈咪忽略身邊另一半，事關大年初一前嘅星期六正是2月14日情人節，辦年貨裝身之餘，記得睇埋情人節禮物。若各位仲未諗到心水禮物，不妨考慮熱門嘅情侶手錶和頸鏈飾物，今次便為各位搜羅送禮佳品，價錢品牌豐儉由人，情人節齊齊戴住拍拖兼晚餐，定能做個窩心好情人！
情侶總係一雙一對，所以不少人都會為另一半選購男女裝手錶，無論係經典的陀飛輪款式或者新興的太陽能觸控錶等任君選擇，時刻戴喺身，每當睇時間便會想起另一半，甜蜜倍增。
市面上的飾物多到令人眼花繚亂，怎知道合乎對方心意？揀番女友喜愛嘅品牌如agnès b.、Fendi、Versace等，再加上情侶檔頸鏈、戒指等上陣，定能博得紅顏一笑。
撰文：賴文曦