情人節除了鋸扒之外，海鮮大餐亦屬不錯選擇，位於尖沙咀的The Captain's House，於2月14日特別設計出Valentine's Day Menu。單看餐廳以龍蝦作Logo，便知道波士頓龍蝦是主打菜式，當中的熱船長海鮮拼盤內有龍蝦、虎蝦、八爪魚等，配以肉腸、薯仔、粟米吸盡海鮮精華，一試滋味傾心。頭盤為凍海鮮拼盤，另有菠菜阿枝竹醬配脆片、香草牛油焗田螺、煙三文魚凱撒沙律、巴馬火腿配蜜瓜四擇其一，還提供金箔泡沫蟹肉龍蝦湯。而熱食有黑松露燴意大利飯或水牛芝士茄汁扁意粉可揀。當然唔少得情濃朱古力拼盤作完美點綴。2人價錢都只係$1,188（未連服務費，另附兩杯飲品，備有酒類供選擇）。