EX-MR1 21mm自拍魔鏡

新塗層隱藏鏡頭

驟眼睇EX-MR1似足一塊肥皂，備有翠綠、粉紅及白色選擇，用色女性化之餘，機身只重117g，啱晒女士隨身攜帶。最特別係機面以一塊弧形鏡片覆蓋，用家第一眼未必會睇到鏡頭喺邊，事關鏡片加入防內外反射鏡面塗層，要細心地觀察才隱約見到中間藏有21mm鏡頭。各位只要望住塊鏡中間即可拍攝，無論自拍或群拍都得心應手，機身上方更備有LED補光燈，喺昏暗環境Selfie一樣明艷照人。惟鏡面幾易黏上指模，照鏡影相時記得抹乾淨！

12級肌膚平滑功能

作為一部自拍相機，單靠賣相又點可以俘虜女士的心，自拍質素同樣重要。幸好Casio炮製自拍神器有晒經驗，故新機內置大量美顏功能，包括6級美白、12級肌膚平滑等，幫各位自動執靚膚色，好似BB咁嫩滑。自拍完靚相當然要Show畀人睇，為此機身加入Wi-Fi功能，各位只要下載《Exilim Link》手機App，即能將相片過落智能裝置！

MR1用色傾向女性化，備有翠綠、粉紅及白色選擇。鏡面塗上防內外反射鏡面塗層，幾乎見唔到中間的21mm鏡頭。	放大圖片	就算唔玩自拍，平時用塊鏡嚟補妝都得，唔使帶鏡盒出街。

後製玩味爆燈

自拍之餘想搞搞新意思都有計，新機非常貼心地引入創意繪圖功能，能夠在拍攝後為相片加入特色相框、心形及星形圖案等，為相片作點綴，打造出獨一無二自拍照。另新增模糊效果，「模糊」唔係指前清後朦嘅淺景深效果，而係估你唔到嘅拉爆效果，利用放射線條去突出主體。除了以上兩種玩法，新機還備有9款濾鏡如水晶球、柔化、魚眼等大熱特效，玩味爆燈。

為免自拍時變成「黑面神」，特別設有LED燈補光。	背面的按鍵頗為大粒，而且不設轉盤，都幾易撳。	相機結構簡單，機頂只有開關掣和快門鍵，容易上手。

規格表

感光元件：1,400萬像素CMOS

採用microSD記憶卡，旁為microUSB插口。	電池容量為700mAh，可影到大約230張相。	試相區 以3級美白和6級肌膚平滑拍攝，配合創意繪圖功能，加入相框和特色圖案，令原本平平無奇的自拍照增添玩味。

焦距：21mm

自拍相機當然要有美顏功能，EX-MR1支援6級美白及12級肌膚平滑功能。	新加入的模糊效果大玩「拉爆」，放射線條趣味滿Fun。	內置9款濾鏡特效，包括水晶球、柔化、魚眼等。
Jenny

光圈：F3.8

屏幕：2.7吋

感光度：ISO 100~3,200

其他功能：Wi-Fi、1,080p拍片

體積：104.2×60.8×21.1mm　

重量：117g

達人教路

Fillens網上攝影雜誌總編輯Jenny表示：「自拍時要注意光線來源，避免站在光源正下方，事關頭頂光嘅陰影會將眼肚、毛孔等瑕疵反映到相片上，選擇側面光源會多啲立體感。此外，自拍多數會用高角度，下巴盡量唔好貼近頸部，咁就唔怕有雙下巴，同時可顯得更尖。由於自拍機大多使用廣角鏡頭，邊位會略為變形，所以群拍時唔好企太側邊。」

撰文：黎子豪

攝影：莫文俊

查詢電話：2926 2300