ZeFit智能錶 記錄健康數據
穿戴式智能裝置近期大熱，除咗大廠出品，最近連瑞士品牌Mykronoz都加入戰團，推出ZeFit智能手錶，有齊黑、橙、紅、藍、黃、湖水綠、白及粉紅色8種顏色畀你揀，單睇外形已經好Colourful，仲可記錄步行數據、卡路里消耗甚至睡眠質素，又可將數據傳至手機，讓各位得悉健康狀況。
內置兩大模式
ZeFit外形同一般電子錶冇乜大分別，採用軟膠手帶，備有一個約1吋單色OLED屏幕。除咗可以顯示時間，仲內置Activity Mode及Sleep Mode，前者可透過手錶收集用家嘅步行數據、距離、卡路里消耗；後者能記錄睡眠質素，好似淺層及深層睡眠等資料。用家只要一撳錶面按鍵，便能即時顯示相關資料。如果想更有系統地收集數據，用家大可於iOS或Android裝置下載專屬程式《ZeFit》，透過藍芽便能將數據同步至手機。順帶一提，錶身支援防汗、防濺水功能，戶外運動啱用！
撰文：林子聰
攝影：胡振文
查詢電話：2955 5522