要慶祝父親節，一眾乖仔乖女除咗可以同Daddy一盅兩件外，想氹佢開心，最好方法莫過於送份數碼Gadgets畀佢！只不過，市面上的Gadgets多如天上繁星，究竟哪一件才最得Daddy歡心呢？為咗幫大家，小記今次就把父親劃分為3大類型，看官們只要對號入座即能選出心水禮物，好等Daddy收到馬上笑逐顏開！
誰說男人做咗老竇後一定變成「麻甩佬」，不知幾多潮爸如謝賢般姿整又貪靚，衫褲鞋襪都要襯過才出街，所以送外觀潮到爆嘅Gadgets就至適合！
Beats耳機一向是潮界恩物，即使不用來聽歌，齋掛頸都型！最近廠商推出全新型號Solo2，耳機跟線材採用同一色調，並採用符合人體工學的流線型設計，佩戴舒適之餘還甚為美觀。顏色則有齊黑、白、藍、粉紅及灰色，另外還有紅色特別版，一經戴上保證成為全場焦點。它的聲音亦不差，音域廣闊清晰，並擁有良好的隔音能力，對音色有要求的爸爸保證滿意。
售價︰$1,800
查詢電話︰2763 3204（Compucon）
古老當時興，所以復古相機好多潮爸都Like！SH-1外觀取材自古典PEN系列，以鎂合金機頂混合蒙皮表層，極具菲林機味道，不難勾起老爸那些年的攝影回憶。它的機面只大八達通少許，僅重271g，拎上手恍如無物，唔怕孭到腰痠骨痛！最難得是機身細細，竟然內藏一支25~600mm 24倍Zoom長炮鏡頭，配合五軸防震，即使單手打雀都冇問題。
售價︰$3,390
查詢電話︰2376 2150（Olympus）
作為一家之主，為了給家人一個理想生活，好多老竇都慳己不慳人，產品外形不重要，功能實用才是大前提，所以以下產品就最啱佢哋！
售價︰$1,698
查詢電話︰2955 1333（Thinking Group）
所謂「十個男人九個玩影音」，可惜市場上的藍芽喇叭大多只能播歌，用途未免太過單調。UE BOOM破格之處是加入鬧鐘功能，可把心愛歌曲、網上電台或個人播放清單設為鬧鐘鈴聲，讓老爸每天都在最愛的音樂中醒來！特別溫馨提示大家，送前記得幫老竇安裝埋《UE BOOM》手機程式，事關一開啟即可透過Double Up技術把兩台喇叭連接起來，方便兩仔爺一齊焚歌！
老爸平時鍾意用手機影相WhatsApp，送部手機畀佢當然最實際，但坊間好多手機都係食電怪，用唔夠半日就無電，咁都照送實畀老竇鬧！Lenovo S860是當中例外，事關它破天荒坐擁4,000mAh特大電池，備用時間長達40天。最巴閉是它還內置「逆向充電」技術，老媽子手機冇電時可為她提供後備電力，真真正正同「尿袋」Say Goodbye！特別一提，它還支援雙卡雙待，方便老竇公幹時使用。
售價︰$2,898
查詢電話︰8118 0800（Lenovo）
小記身邊不少朋友的爸爸都是運動健將，一有空便行山跑馬拉松，體力比不少年輕人還旺盛，十足大唔透嘅Kidult，所以以下幾款禮物佢哋一定鍾意！
操控機械人係好多男士嘅童年夢想，老竇亦唔例外。剛抵港嘅WowWee MiP機械人，頭大身細高約18cm，上半身備有手臂，下半身則加入一對電動車輪，驟眼睇有幾分WALL-E影子。最過癮係雙眼上方設有紅外線Sensor，能感應玩家手掌作體感操控，一擺手即可叫它前後走動或轉左轉右，加上可播歌載物，一齊玩必定可增進父子感情！
售價︰$1,180
查詢電話︰3102 2783（JC Shop）
一般智能手錶都係四四方方，Gear Fit首度採用1.84吋Super AMOLED曲芒設計，佩戴時勁貼手之餘，重量更只有27g，加上IP67防塵防水認證，適合老爸跑步時使用。它除了基本的時間顯示、鬧鐘、短訊及WhatsApp提示外，還提供計步器、心跳監測等功能，以便統計跑步時間、距離及卡路里消耗量，之後仲可將報告放上facebook，同其他跑友鬥一番。
售價︰$1,698
查詢電話︰3698 4698（Samsung）
撰文︰陳志滔