我說：「呢隻雞好好味，叫做乜名堂？」李大廚說：「咪叫做醉雞囉。」我說：「唔得，咁普通，不如叫做『85度淮山杞子醉雞』啦。」靚女A說：「我想叫佢做『85度一見鍾情醉雞』喎。」
結果，我有我叫85度淮山杞子醉雞，A有A喚85度一見鍾情醉雞。總之，就是香港君悅酒店港灣壹號的醉雞。
根據大廚李樹添師傅描述，這道醉雞的湯汁以花椒、八角、糖、鹽、醬油、花雕等調校出來，近似滷水汁但又不至於太鹹，煮至攝氏85度的水溫收火，放入新鮮雞使其慢慢浸熟。賓客要落Order時，再以浸雞的汁混合上湯，配以淮山、杞子、花雕等煮成湯汁，淋在雞上即可奉客。
雞肉不但嫩滑，亦具不同層次，花椒八角和花雕酒香先後遞進，淮山與杞子吸盡汁液與雞香，還具有食療作用，湯汁更可喝掉，全面享用內裏的精華。
我對李大廚說：「恭喜恭喜，新招牌菜正式誕生啦，又好味又有原創性。」李大廚推說：「其實都唔算原創啦，都係類似滷水味道。」我說：「咁又唔係咁講，幾時見過醉雞可以有滷水味又可以熱食？」百分之百原創的中菜，像真心為港的政客，已經日漸難求，若改編得有新意，都很值得鼓勵。
雖然餐廳一直未獲得米芝蓮垂青，李大師豁達地說：「獲得星固然是好，沒有星也會不斷努力。」是的，努力，自有知音。
網址：www.chan-wai.com