UB9500系列4K TV webOS網絡縱橫

備有55吋及65吋型號

雖然UB9500系列唔係曲面電視，但已相當有睇頭。先從外形去睇，新機沿用Cinema Screen屏幕外框設計，邊框特幼之餘，多聲道前置喇叭更巧妙地隱藏於屏幕下方的邊框內，音效表現出色。尺寸則有55吋及65吋選擇，均用上寬闊觀賞角度的Ultra IPS Panel。畫質方面亦落足心機，搭載LG自家Triple XD Engine提升畫面色彩、對比度及清晰度，另可透過Tru-Ultra HD Engine將標清或高清訊源升頻至接近4K質素，畫面顯示細緻又層次鮮明。還內置4K HEVC解碼器，可將4K影像原汁原味呈現到電視的3,840×2,160解像度畫面之上。P:webOS介面色彩繽紛

電視功能愈多，某程度亦代表愈難用。好在廠方今年於新電視植入webOS介面，簡化以往的繁複選項及操作步驟，UB9500系列屬首款有得玩這個新介面的電視。用家於第一次啟動電視時，卡通化角色BeanBird便會現身畫面，以有趣方式引導用家設定功能。另一特別之處是選單介面會以繽紛色彩橫置於畫面下方，用家只需利用遙控器的游標，於選單上左掃右掃，即可揀選不同輸入訊源及應用程式，長按遙控器選擇掣仲可編訂心水排列，玩一次就上手！

將前置喇叭隱藏於屏幕下方極幼的邊框內，觀感贏晒。

UB9500系列無論邊框及厚度都設計得幾薄。

9.1聲道家庭影院

想買套家庭影院組合襯番部新電視？同場公布咗兩套家庭影院組合，分別係具有1,460W輸出的9.1聲道系統BH9540TW，以及支援1,200W輸出的5.1聲道系統BH7540TW。兩機均配備ARAMID FIBER揚聲器，能夠抵抗外來干擾減低失真，並經由LG自家音效校準技術，可營造出定位準確及包圍感極強的3D環迴立體聲。

在webOS介面下，揀選應用程式更簡單。	內置多種場景模式，選單畫面相當易用。	試片區 在超高清解像度下播放廠方4K試片，Pizza上的食材逼真細膩，齋睇已流晒口水！

PD239流動相片打印機

LG PoPo無線流動相片打印機近日有新型號登場！作為第二代產品，PD239機身表面改用鑽石形花紋，而且電量亦有所提升，足夠打印30張相片，用家只要於手機安裝《LG Pocket Photo》App，便可經藍芽及NFC無線連接印相。除了可用上一般ZINK相紙外，新機仲對應貼紙相紙，想自製大頭貼話咁易。

用家可透過智能遙控器，操控UB9500系列4K電視玩webOS。	BH7540TW為5.1聲道家庭影院，輸出達1,200W，適合預算較低的用家。售價：待定	於智能手機安裝《LG Pocket Photo》App，即可連上PD239印相。
售價：$1,490

同場加映：49吋新款電視

主流4K電視都在55吋以上，唔想買咁大部的話，廠方追加細一級的49吋新選擇，既有對應4K顯示的UB8500系列，亦有支援全高清的LB8700系列，適合狹窄的香港居住環境使用。

撰文：布偉倫

攝影：盧展程

查詢電話：3543 7777