潮味藍芽喇叭 藥丸鬥冬甩

Beats Pill × Alexander Wang限量貴氣

耳機潮牌Beats，最叻係同其他音樂單位、時裝品牌出限量Crossover版本，呢隻以金撞黑嘅新款「藥丸」藍芽喇叭Pill，便與時裝品牌Alexander Wang合作，當中黑同金都係Designer嘅常用色調。新版賣得貴過原本嘅紅、藍或黑色總有原因，事關佢跟機送咗個Fit晒機形嘅魔鬼魚壓紋皮套，拎出街夠搶眼。

不過要搵到呢款喇叭都唔易，除咗去番時裝品牌專門店外，只有IFC Mall同Hysan One兩間時裝連鎖店先有得賣。

機身採用Alexander Wang招牌的黑、金色設計。

跟機附有貴氣十足嘅魔鬼魚壓紋皮套，容易攜帶。

操作時間：7小時
體積：45.72×45.72×190.5mm

售價：$2,990（b）

「冬甩」形設計夠特別，甚至可穿喺前臂拎出街。

Jarre AeroTwist扭擰設計

法國牌子Jarre之前出過骷髏頭藍芽喇叭，針對鍾意喺房聽歌嘅用家，造型夠晒突出。今次呢款似足「冬甩」嘅AeroTwist，一樣充滿玩味元素，備有11種金屬色系任揀，將佢掛喺袋帶出街又得，左扭右扭成不同形狀亦得，每天都可以轉新Look，難怪呢個牌子嘅藍芽喇叭喺品味家居店都有得賣。音色方面，話晒係由音響設計師兼音樂家Jean Michel Jarre設計，質素有保證。唯一要講係佢嘅機身有啲重，長時間揸住都幾攰。

Pill機背設有LINE IN/OUT、mini USB端子外，亦印有NFC Logo。	DRAW AeroTwist設有LINE IN及NFC功能，而機面設有較大Size嘅操控掣。	Win AeroTwist非常好扭，兩邊半圓形機身中軸，可向左右扭動270度，想點變點掛都得。

操作時間：10小時

體積：220×220×120mm

aptX技術知多啲

依家唔少藍芽喇叭或無線音響都支援aptX，其實佢係一種音頻編壓解碼技術，能夠將10~22,000Hz音頻範圍壓縮到藍芽傳輸標準嘅頻譜入面，即是說可透過藍芽傳送更高品質音樂，今次比併嘅兩款藍芽喇叭便支援aptX技術。

第1回合：鬥音色靚聲

機Gor揀藍芽喇叭，首要注重靚聲，任憑個樣點靚都好，若果扭大聲時冇晒Details，真係貼錢送都唔要。兩款喇叭均以4單元設計，但礙於機身造型不同，令音色表現有啲分別。Pill單元擺位集中，中高音表現清晰，尤其是播放以人聲為主嘅Jason Mraz《The Freedom Song》效果更佳。相反AeroTwist嘅單元擺位較為分散，如果要扭動擺設的話，會令發聲方向更散；唯一好處係喇叭底部加入管道發放低音，播放Lady GaGa《Applause》嘅Bass都幾強。

第2回合：鬥接駁擴充

兩款喇叭嘅接駁都好簡便，只要開着手機嘅藍芽功能，幾秒即能與喇叭成功配對。雖然AeroTwist機身較難搵到NFC Logo，但實情係兩機都支援NFC功能，只要透過對應的手機，一嘟喇叭機身即可連接。唔同嘅係Pill開機或藍芽接駁時，會發出嗶嗶聲提示，覺得係方便抑或騷擾就見仁見智。而且兩機都有LINE IN輸入，方便接上其他音響器材播歌。

第3回合：鬥好玩爆趣

限量版Pill喇叭本身附送一個魔鬼魚壓紋皮套之外，如各位肯畀多$450，仲可另外配埋Character公仔座枱架，可將喇叭橫向塞喺佢把口，啱晒機Gor擺喺房聽歌。而AeroTwist就唔使另外畀錢買配件，皆因佢可以270度左右扭動，當成家居擺設好輕鬆，機Gor貪得意將佢掛喺衣架都冇問題，玩法千變萬化。

機Gor Report：帶「藥丸」出街更安心

今次比試中，兩款藍芽喇叭各勝一個回合，看似難分高低。但機Gor屋企嘅CAS（Computer Audio Source）音響多到瀉，揀型格藍芽喇叭無非想帶埋佢出街，或者旅行時用嚟聽歌，呢方面當然以靚聲和輕巧便攜作考慮，所以今次機Gor認為Beats Pill × Alexander Wang贏咗個馬鼻。

達人教路：Lyra Media主編Cato Mak：「講求音色的平衡。」

「揀藍芽喇叭有幾方面要考慮，其一是機身跟音色的平衡性，就算喇叭幾靚聲都好，唔夠Cover晒成個空間都冇用。音色方面，由於人人嘅喜好不同，建議各位親身試聽，如果喇叭設有低音單元的話，Active Bass會比Passive Bass好聲。」

Profile

機Gor 機不離身，不信Spec只信測試，不扮高深，懶理低俗，貪新不忘舊。

撰文：機Gor　

查詢電話：（a）2118 2552、（b）2926 2300