近日氣溫低位徘徊，冷得人騰騰震，最好就是來個煲仔飯或煲仔菜以驅寒，位於香港九龍東皇冠假日酒店的中菜廳紫粵軒，就在今個冬天推出一系列時令中式煲仔菜式，包括滋陰溫補的古法炆珍珠鱉煲、蝦子海參豆腐煲等，至於煲仔飯就有膏蟹煲仔飯、鮑魚蝦乾蝦子煲仔飯等選擇，甚至將冬天3寶——蛇羹、羊腩煲、糯米飯變奏，設計出3款新菜式，充滿新鮮感。
膏蟹變身煲仔飯夠和美，蟹膏生拆與米同煮成飯，每煲還有原隻12至14両的膏蟹斬件附上，熱乎乎上枱，吃罷當然全身暖晒。說到冬季暖身名物，當然唔少得蛇羹；用上金腳帶、眼鏡蛇、過山烏、百花蛇、水律五蛇的肉，以及蛇骨、圓肉、紅棗、竹絲雞等熬足多個小時而成，大廚更細心地將材料切成細絲煮成羹，佐以檸檬草絲、白菊花等同吃，可說是冬日禦寒至寶之一呢！
撰文：林小琪
查詢電話：3983 0688