Pentax Q7 物色型人

Pentax在相機界玩色玩到出神入化，剛剛仲推出旗艦級Q7無反細機，在色彩方面再次尋求突破，提供120色機身選擇。各位別以為它與同廠K-50單反一樣齋玩機身顏色，今次還備有20色8.5mm定焦鏡頭，兩樣夾埋有成2,400種配搭，形象夠晒百變。

2,400種配搭

全球最細無反相機Pentax Q系列，自Q10開始玩色彩配搭，新作Q7再下一城，擺出120色高姿態畀各位揀。不過唔係隻隻色都可以喺街見到，除了黑、銀、黃3種基本色外，其他顏色要跟番「老規矩」預訂，即係喺指定經銷商填妥表格，並揀選心水色系，等大約一個月左右就有真機到手。之前很多用家反映過，機身有多色選擇，但鏡頭就冇乜顏色可揀，似乎唔多夾，所以廠方今次加推20色8.5mm定焦鏡頭。不過先旨聲明，20色鏡頭並非套裝鏡，需要額外訂購。

加大感光元件

驟眼睇新機外形同其他Q系列冇乜分別，依然Sell的骰小巧，但新機稱之為旗艦機當然有原因，首先感光元件加大至1/1.7吋，亦因為尺寸擴闊咗，令轉換系數由以往5.5倍變為現時的4.6倍，簡單來說即是鏡頭焦距較以往Wide。配合新型Q Engine影像處理器，讓感光度可達最高ISO 12,800，不但方便於低光環境下拍攝，更有效抑制雜訊，令高ISO下的畫質更順滑；而且開機和處理相片速度有明顯改善，抓拍絕冇失手。雖然機仔細細，但模式轉盤上依然支援PASM曝光模式，還有「BC」虛化控制模式等，規格專業。

售價：$2,990（淨機身）、$3,990（連5~15mm單鏡）、$5,490（連5~15mm及15~45mm雙鏡）

售價：$2,990（淨機身）、$3,990（連5~15mm單鏡）、$5,490（連5~15mm及15~45mm雙鏡）

話明係全球最細無反相機系列，袋入手袋都好方便。

間隔影片模式

近期唔少人玩縮時攝影（Time Lapse），利用快鏡去表現如日出日落等影像變化，新機亦順應潮流加入類似的間隔影片功能，用家可將拍攝間隔設定為最長1小時，而拍攝總時間則為4小時，製作出如National Geographic般的紀錄片。而機身前方備有轉盤，可快速切換常用的Smart Effect設定，並內置11種濾鏡，可以無限疊加效果。為了使用家拍攝時更穩定，新機還支援3級快門補償的SR（Shake Reduction）防震系統，利用感光元件移動來修正震動，以確保影像清晰。

轉盤備有PASM模式、「BC」虛化控制模式和「SCN」場景模式等。

縱使Q7機身小巧，但仍然配備HotShoe和內置閃光燈。

招牌的前轉盤可隨時切換Smart Effect設定。

規格表

感光元件：1,240萬像素CMOS

全新8.5mm定焦鏡頭，備有20種顏色選擇。售價：$1,490/各	最高感光為ISO 12,800，有賴全新Q Engine影像處理器。	新增間隔影片模式，拍攝總時間可達4小時，影日出日落最啱。
放大圖片	售價：$490