現實版MU 免費備課！

開學喇~~咪住！啱啱先開始放暑假，轉個頭又話開學，係咪好奇怪？未算，睇埋一班同學仔嘅造型鬼五馬六，更加令人驚喜萬分！

由世界各地藝術家設計嘅大眼仔，齊集「驚嚇入門101」教室等睇好戲，有冇興趣Join埋一份？

原來呢間古怪學府就係大名鼎鼎嘅Monsters University（簡稱MU），專出毛毛、大眼仔等「怪獸」，聽日仲會喺各大戲院開始招生，打算入學嘅大小朋友，不妨前往位於銅鑼灣嘅校舍排隊備課，免費o架！

怪獸同學任影

近日銅鑼灣多咗一條人龍，個個都懷住興奮嘅心情，目標只有一個，就係希望一睹MU嘅強勁「戲」勢。

校園內望<br>穿過校舍正門大閘，四處可見MU學生，包括阿拱（左）、淋支支（右）等，好不熱鬧！

校園內望
穿過校舍正門大閘，四處可見MU學生，包括阿拱（左）、淋支支（右）等，好不熱鬧！

設於露天廣場嘅「驚嚇學院」，氣勢十足，真係好有大學Feel！

其實呢間MU校舍既係現實版又係濃縮版，大門設於Times Square露天廣場，當中嘅Main Building ——驚嚇學院，比起設於主題樂園嘅大學行政大樓更有氣勢，一班怪獸同學則分布校園四周不同角落，全部以1:1真身亮相，除咗見慣見熟嘅大眼仔同毛毛，仲有阿拱、淋支支、Randall Boggs、Terri & Terry等，想拍攝「學生相」真係大把Angle！