智能電視聲控鬥SMART

近期足球賽事好戲連場，機Gor身為標準球迷當然唔會錯過，明年仲有世界盃接住上，係時候諗吓換部Smart TV睇波啦！新款電視機除咗有靚畫面和網絡功能外，操控亦變得愈來愈Smart，揮一揮手就識轉台，講句嘢就搵到心水網頁。今次找來LG LA8600系列和Samsung F8000系列兩大人氣Smart TV，睇吓佢哋有幾「聰明」！
對住遙控器講嘢便可進行語音搜尋。
對住遙控器講嘢便可進行語音搜尋。

LA8600語音網絡搜尋

機Gor喺AV Life中環店試機，見到唔少外國人都對LG LA8600系列有興趣。當店長老友拎隻「試機USB」出嚟，播放逼真嘅3D影像，有個外國遊客直情伸隻手想摸畫面。今次話明鬥Smart，最有興趣當然係語音功能，機Gor對住個遙控器講「東方」關鍵字，即刻搵到相關網頁，只有一次因為周圍太嘈而認唔到，辨認率超過九成。

LG LA8600規格表

顯示尺寸：47吋、55吋、60吋

解像度：1,920×1,080

掃描速度：MCI 800（Motion Clarity Index）

3D功能：被動式偏光3D、2D轉3D

F8000體感操控簡便

機Gor行開港島區，順道去埋Samsung嘅Showroom試玩F8000系列Smart TV，店長示範智能操控時，揮一揮手就可以轉台，豎起拇指即刻喺facebook畀Like，連圍觀嘅路人都話：「估唔到咁方便！」店長解釋，由於新機加入四核心處理器，所以上網和體感操控時先至咁流暢。現場「觀眾」仲即場借咗副3D眼鏡睇片，證明呢部機吸引力十足。

售價：$24,980（47吋）、待定（55吋）、$43,980（60吋）（a）
  • 售價：$24,980（47吋）、待定（55吋）、$43,980（60吋）（a）
遙控器中央位置的觸控板，可充當Touchpad移動鼠標。
  • 遙控器中央位置的觸控板，可充當Touchpad移動鼠標。
售價：$36,980（55吋）<br>$59,980（65吋）<br>$99,980（75吋）<br>（b）
  • 售價：$36,980（55吋）
    $59,980（65吋）
    $99,980（75吋）
    （b）

Samsung F8000規格表

顯示尺寸：55吋、65吋、75吋

解像度：1,920×1,080

掃描速度：1,000Hz CMR（Clear Motion Rate）

3D功能：主動式快門3D、2D轉3D

3D技術知多啲

現時3D電視以主動式快門及被動式偏光為主流，兩者均需配合3D眼鏡使用，前者透過高速開關左右鏡片的Shutter來營造3D效果，優點是能用盡1,080p畫質，但有機會引起眩暈。後者則以左右偏光鏡片營造立體效果，由於毋須入電，靈活性較強；但缺點是水平線數只去到540p。另有一種裸眼3D技術，唔使戴眼鏡就睇到立體影像，可是成本較高未能普及。

LA8600系列<br>對住遙控講關鍵字，即可顯示出YouTube視頻及相關網頁。
  • LA8600系列
    對住遙控講關鍵字，即可顯示出YouTube視頻及相關網頁。
F8000系列<br>玩facebook時豎起拇指便立即畀Like，但咁郁法都幾攰。
  • F8000系列
    玩facebook時豎起拇指便立即畀Like，但咁郁法都幾攰。
LA8600系列<br>在鏡頭前揮手，便能選擇轉台、音量及開關。
  • LA8600系列
    在鏡頭前揮手，便能選擇轉台、音量及開關。

第1回合：上網靠把口

兩機支援Wi-Fi上網，亦可下載Apps作遙控，但講到搵網頁睇資料，還是LA8600系列的語音搜尋較為方便，試過中英夾雜咁講「搵Yahoo!」都認到，連字都唔使打，啱晒鍾意講多過做嘅機Gor。而F8000系列就唔能夠靠把口搵料，主要以體感將手掌變成滑鼠使用，移動到虛擬鍵盤握一下拳頭即可輸入文字，不過咁樣體感打字都幾攰，機Gor都係用番遙控器算啦！

F8000系列<br>對住電視頂嘅收音咪或遙控器講「音量」便能調校大細聲。
  • F8000系列
    對住電視頂嘅收音咪或遙控器講「音量」便能調校大細聲。
  • 放大圖片
LA8600系列<br>睇得出羅拔唐尼嘅膚色細紋和背景暗位層次，對比做得幾好。
  • LA8600系列
    睇得出羅拔唐尼嘅膚色細紋和背景暗位層次，對比做得幾好。

第2回合：操控鬥簡便

其實Samsung F8000系列都支援語音功能，但主要集中喺操控方面，例如講「變更頻道」即可轉台、講「音量15」就能把音量調校至15級；加埋強勁嘅體感操控功能，電視鏡頭能捕捉用家動作，伸出兩手握成拳頭再拉開便能拉大畫面，夠晒好玩。而LG LA8600雖然提供體感操控，在電視前揮一揮手可開啟操控畫面，但不支援語音操控，稍遜一籌。

DRAW：F8000 系列<br>主體輪廓銳利，色彩層次分明，連衣服質感都能清晰表現。
  • DRAW：F8000 系列
    主體輪廓銳利，色彩層次分明，連衣服質感都能清晰表現。
Alan Lee
  • Alan Lee

第3回合：畫質分勝負

作為韓系Smart TV兩大代表，兩機均採用全高清屏幕，以機Gor所見，LA8600系列睇落較為自然，而F8000系列色彩感較濃，鹹魚青菜各有所好。測試時，無論用2D轉3D將《狂野時速5》全高清畫面立體化，或是直接播放《復仇者聯盟》藍光碟都相當流暢。不過要留意LA8600系列用被動式偏光眼鏡，F8000系列用主動式快門眼鏡，都係嗰句，一個方便、一個靚畫，不分勝負。

達人教路：影音專家Alan Lee：「技術平台未統一。」

「新一代Smart TV嘅智能功能，無錯令操控大幅簡化，但暫時各廠商之間沒有統一的技術平台，令用家每次換機時都要適應新介面，比較麻煩，而且對不少影音迷來說，聲控或體感操控只是噱頭。此外，假如各位追求畫質的話，建議等埋4K先，特別是被動式3D電視，既有4K高解像又提供穩定顯示，相信下半年會開始崛起。」

機Gor Report 開口搵料夠新鮮

聲控又好、體感又好，雖然易用，但都需要時間去適應，大家都係當住Bonus功能先好啲。F8000可聲控調節音量及轉台等，語音辦認率之高，令機Gor相當有印象。而LA8600嘅語音搜尋，機Gor都好Buy，加上採用被動式偏光3D技術，叫埋班Friend上嚟睇片，都唔使為3D眼鏡而煩惱。

Profile：機Gor

機不離身，不信Spec只信測試，不扮高深，懶理低俗，貪新不忘舊。

撰文：機Gor　

模特兒：Wei（Gaiety）　

查詢電話：（a）2295 3398、（b）3698 4698