積木城遊車河親子啱Feel

誰說爸爸不愛玩？只要出動模型、汽車等玩意，不少父輩級男士也會返老還童，興奮得像個「大男孩」！有商場找來視藝大師以LEGO®積木砌出多款得意模型，令人如置身積木城，同場更有不少男士與男孩為之着迷的「跑車」與綿羊仔展出；作為父親節活動，爸爸睇得高興，孩子玩得開心，又真係幾啱Feel喎……

今、明兩天，場內特設遊戲專區，遊戲時間為下午3時至5時，小車迷可駕駛迷你跑車於場內穿梭。

10萬枚積木變戲法

能幻化不同形態的LEGO®積木，向來受大小朋友歡迎。今年父親節，apm特別舉行「Re-think Re-design空間藝術展」，把商場大堂變了積木城——LEGO®視藝空間，找來LEGO®粉絲王——紐約視藝大師Sean Kenney負責設計，前後用了近3個月時間、數以10萬枚LEGO®磚砌成，當中包括型格枱燈、花形座椅、彩色長櫈，以及一幅長達10呎的太陽花掛畫，展現了家居裝飾可以很好玩。

同場又會展出Sean的藝術擺設，如蒸汽火車、紅色跑車、紐約市場景等，件件生動逼真，大小朋友定必睇得雀躍不已。

此蒸汽火車頭的設計充滿懷舊色彩。

由13,500枚積木砌成的木琴，體形大得連小朋友也抱不起。

捐10元坐迷你跑車

跟LEGO®視藝空間同期開Show的，還有車迷世界，主要展出3部逾百年歷史的Lambretta古董綿羊仔，包括50年代出廠的灰色Lambretta LD 150 mark 2、最受男士歡迎的藍白色Lambretta Li 125 series 2，以及全港只得兩部的罕有型號——紅白色Lambretta SX200，它們均於60年代紅極一時，極為珍貴。