坊間有一人氣小店，眾口皆誅服務差，但招牌出品太出色，因此門外永遠有人龍。老闆早前接受訪問，他寸寸貢擺出一副唔啱食咪唔好幫襯態度。網民見狀，百忙中抽出時間發表意見：「好有問題」、「好有性格」、「以後唔幫襯」、「畀錢佢仲要受氣」之聲四起，當然還有那句超無聊的「認真你就輸」……
其實，有何值得反感？受訪者自小在社會打拚，如今做出一番成績，說話大大聲甚至帶點自吹自擂，雖不太得體，是可以理解，畢竟跑江湖總要靠惡。對着傳媒心無城府，懶去遮掩真性情，人品又會有幾壞？
若老闆不講求服務質素，只想做好食品質素，是他的個人選擇。說到底，每間食肆均有自由選取路線 —— 可以禮貌周周，甜言蜜語在所不計；也可以服務簡約，以不打擾食客為原則；更可以玩真脾性，要吵要罵要來就來。顧客只需自己決定幫不幫襯便可，毋須對店舖構成任何怨恨。
至於那句唔啱食咪唔好幫襯，又有幾寸呢？只不過是「合則來不合則去」的市井版，放諸愛情、友情、事業、炒股皆用得着，基本上等於「阿媽係女人」，想不到有些網民會如此上心，未免太小器吧。
消費者很奇怪，笑咪咪送上一攤很難吃的Junk Food，會嗒糖笑納，板着臉傳來一碗有品質的麵，卻像被得罪了。其實究竟你想買笑，還是想買食品？
網址：www.chan-wai.com