1:6 Joker Mime Version黑白丑化
多得Hot Toys，很多經典電影人物都成功被Figure化，去年Jack Nicholson版小丑，更被Batman迷譽為神級之作，如今拍賣網炒至$3,000依然大把人要。最近廠商推出第二版Mime Version，衣服由上次的紫色「踢死兔」，變為全身黑白禮服，必搶！
頭雕塗裝逼真
粉絲們對這黑白造型未必有印象，皆因在戲中只出現過極短時間，難得Hot Toys團隊翻睇再翻睇，把當中的紳士帽、波點煲呔、馬甲、格仔蘿蔔褲及尖頭皮鞋全部還原過來，並特別採用軟身布料，避免擺甫士時出現摺痕，用心良苦！Body跟上代一樣採用窄矮款式，並加入海綿以營造發福感覺，驟眼睇相當諧趣。頭雕則繼續由大師Yulli操刀，五官輪廓比上次更像真，而且在化妝下連魚尾紋都睇得一清二楚，沒有因過分塗裝而遮掩了老態。配件算是較弱一環，貴為DX系列竟然只得1個頭雕、3支羽毛及樓梯地台，實在唔夠玩。
撰文︰陳志滔
攝影︰譚建章
查詢電話︰2388 4677