薄荷Xperia A 消暑快拍

大熱天時，歎番杯雪糕降溫可以話係指定動作，夾埋口感冰涼嘅薄荷味，簡直係消暑妙品！如果想清涼感覺Double Up嘅話，啱啱由水路抵港嘅日本夏季新機Xperia A就啱晒你。新機罕有地用上薄荷色，望落去已經夠Fresh，仲支援IPX5/8防水和1秒快拍功能，帶埋佢落水影相都掂，絕對係今個夏天最佳拍檔！

Xperia之最<BR>自Sony單飛出手機後，Xperia便成為其Android手機嘅招牌系列，當中仲有唔少特色作品添！

Xperia之最
自Sony單飛出手機後，Xperia便成為其Android手機嘅招牌系列，當中仲有唔少特色作品添！

清新薄荷色

一到夏天，大家都會換上Colorful嘅衫褲，原來手機都唔例外。屬2013年Summer Collection嘅Xperia A（SO-04E），除咗大路嘅黑、白、粉紅配色外，仲追加手機界少見嘅「Mint」薄荷色，清新感覺Fit晒夏天。設計方面，新機外形有點似同廠機王Xperia Z，四邊沿用條狀裝飾、金屬電源鍵，不過細睇之下會發現其角位較圓，加上個芒縮水至4.6吋，單手拎機明顯舒服啲。

夏日玩防水

話明夏季新機，當然可以落水玩，機身支援IPX5/8防水規格，喺1.5米水深下可正常運作30分鐘；不過因為佢唔係以一體成形設計，所以濕水前記得檢查背殼、記憶卡等插口嘅保護蓋有冇閂好。防水夠堅，新機規格同樣夠強，採用1.5GHz四核心處理器及2GB RAM，同近期一眾Android機王睇齊；唯一美中不足係4.6吋屏幕只有720p解像度，幸好備有Mobile BRAVIA Engine技術，色彩還原度極高，睇片合格有餘。

機面LED燈於充電時會亮起，而燈光會因應顯示相片嘅色調及播放音樂嘅節奏而轉色。

設有快門鍵（箭嘴示），長按可即時啟動相機功能。

1秒快拍功能

講到日系嘅手機強項，影相當然唔少得。新機搭載1,300萬像素鏡頭，內置Exmor RS for mobile影像處理器，仲備有多款濾鏡、Superior Auto等拍攝功能，相片質素以至玩味都兼顧得到。不過要彈前置鏡頭只得30萬像素，自拍明顯差一截囉！值得一提，新機喺右側加入實體快門鍵，支援半按對焦之餘，喺熄芒待機嘅情況下，只需一便可於1秒內啟動快拍功能，Snapshot必備！