縱橫香港方便Easy

香港人好多時話要支持本地創作，今次介紹的《香港車主》就係原汁原味香港製造，當然要以行動支持，Download嚟用吓。殊不知用後發現操作Easy，無論係初哥抑或老手都非常啱用。

此App「分唇」唔少，能夠全面照顧駕駛者路上需要，功能包括錶位、停車場、油站、交通情況、緊急路面支援、常用資料、甚至駕車搵地方食嘢等都冇問題，隨時隨地都可以找到路線。還提供泊車計時，讓你設定停泊和響鬧時間。此外，它也可記錄座駕各項開支，例如入油和維修保養等，讓你加深了解用車成本，而且可以記錄多部車輛，方便多車族統一管理。

撰文：朱志華