1,300萬像素Xperia TX K.O.相機

夏末秋初，想起漫山紅葉美景，立時有衝動將靚人靚景攝入鏡頭之中。既然上山，冇理由帶部牛龜咁大嘅單反相機吧？

預載Android 4.0.4系統，廠方指日後可升級上Jelly Bean。售價︰$4,698

要帶就帶Sony新一代Snapshot王Xperia TX，不僅鏡頭達到1,300萬像素，創下智能行貨機新高，仲提供3色弧形機身和4.6吋BRAVIA靚芒，手感、取景俱能K.O.一般DC，近期至多Like係佢！

1.5秒極速快門

手機與DC的界線愈來愈模糊，最近Sony把Xperia TX的鏡頭畫質提升至1,300萬像素，相片解像度勁高之餘，每張相片Size足足有2.5MB，用來曬海報都綽綽有餘。針對夜拍需要，手機內置Exmor R影像處理器，能在低光環境下減少雜訊，配合F2.4大光圈鏡頭，室內唔開閃燈影Model，測光都極為準確，成像一流！其他好玩「分唇」包括一掃全景及觸控對焦等，但最實用還是極速快門功能，由待機到快門啟動僅需1.5秒，真正符合Snapshot需要。

放大圖片

機頂設有3.5mm介面，並附送入耳式耳機。

黑、桃紅、白3色任揀，機背的鏡頭旁均配備LED補光燈。

巨芒睇相低失真

Sony自從單飛發展後，手機回歸美形設計，新機亦唔例外，承襲去年Xperia Arc的弧形風格，機背由中間微微向兩邊彎曲，符合人體工學設計，難怪在8.6mm纖薄身形下，手感會如此舒適。另一要讚的是配色，黑、白兩色唔算驚喜，最吸引是引入桃紅色調，搶眼到爆！屏幕方面，4.6吋芒先天已分量十足，背後仲引入Mobile BRAVIA技術，對比度高兼冇味精，將睇相的失真程度減至最低！

可另加$99購買專用機座，把影片經HDMI輸出到大電視。

電池容量達1,750mAh，夠傾6小時以上。

操作流暢唔食電

定位高階，新機的硬件自然唔嘢小，大腦是Qualcomm最新1.5GHz雙核心處理器，具有高效能、低熱量等優點。小記實測所見，無論轉頁或播片都相當流暢，而且唔算大食，玩足一個鐘都只用了10%電量左右，配合1,750mAh大電池，以後唔使成日帶住後備充電裝置出街。雖然系統沿用Android 4.0.4令人失望，猶幸它提供「Xperia Link」及「Small Apps」新功能，前者可簡單地把手機頻寬分畀同廠流動裝置使用；後者則提供計數機、錄音筆等小工具，操作貼心。

提供除紅眼、魚眼、Lomo等特效，執相唔使另外裝Apps。	測試區 Xperia TX（左）屏幕較iPhone 5（右）大，但顏色偏淡，各有賣點。	入門閃光王 Xperia J 售價︰$2,098
速度再升呢Xperia SL 售價︰$3,998