的士大哥每日都車咁多唔同人出出入入，可謂有咩未見過？不過身為司機的佢哋其實有苦自己知，喺啲品流複雜嘅國家真係隨時有支槍指住個頭o架！又試諗吓，如果事件真係發生喺你身上，難道你又真係棄車而途？不過，來到加拿大嘅多倫多，的士大哥就有保障得多喇，事關喺佢哋嘅車尾都會有一盞小燈，而燈旁邊寫住「If Flashing Call 911」，即係話如果有任何人見到盞燈閃吓閃吓，就好馬上幫呢位司機大哥報警喇！下次去到多倫多，就要記得幫吓眼喇！
撰文：梁爾桓