年度盛事澳門格蘭披治大賽車，由今日起一連4天舉行，賽事的高潮莫過於周日舉行的東望洋大賽跟三級方程式大賽，想當年冼拿、舒麥加都曾經前來參賽！年年睇直播，髮夾彎、葡京彎等賽道早已琅琅上口，有冇諗過今年親身去感受賽場的熱烈氣氛呢？一於帶埋部下載了官方App的iPhone起行啦！
雖然這幾天澳門因為格蘭披治大賽車而逼爆，但這年度盛事好應該親身捧場，大會更推出官方App，一篤就可知道賽事程序、門票價格等資料，想追睇各項賽事絕冇走雞。而這App亦有搞搞新意思，如提供Grand Prix Moments遊戲，畀大家化身成攝影師，在模擬賽事中拍低精彩一刻，甚至可加入特色相框，以iPhone拍番輯賽車威水相添！
售價免費
認識不少愛車之人，聽到愛駒引擎聲已十分亢奮，這個《Supercar Bible》App實屬必裝之選。它收錄
37間頂尖車廠的超級跑車資料，例如想Check吓Koenigsegg的超級跑車Agera R最高時速有幾快，眨眼間便搵到，更特別係可盡情享受Lamborghini Murcielago等名車的引擎聲，開發小組仲話會Keep住Update車款！
售價免費
今年一級方程式大賽還剩一站便完結，而且冠軍車手名銜已塵埃落定，少年車神維度爾蟬聯總冠軍，但大家又想唔想知道每位車手的比賽故事呢？這App圖文並茂介紹車手如何扭轉賽事局勢，雖然車手訪問加比賽資料要另外畀錢購買，但睇怕大家都唔會咁多心，淨係付款（每個約HK$31.1）購買維度爾、咸美頓就應該夠喉了。
售價免費
今屆一級方程式冠軍車手維度爾，已經無法打破車神舒麥加一季贏最多分站冠軍紀錄，但仲有機會打破文素最多排頭位出賽紀錄，透過《F1 2011 Timing App》便可即時追蹤住佢，在最後一站所造出的時間。除即時睇資料外，仲可以3D地圖查閱每位車手在賽道上的位置，亦可以揀選心水車手全程追蹤。
售價免費
iPhone賽車遊戲的選擇多不勝數，但係賽車比賽官方出品並唔多，如Formula One版本只係出到2010年，想轉轉口味，大可嘗試《Race of Champions》。這遊戲主要玩一對一Head to Head淘汰比賽，即係在賽道上贏到對手便可晉級，遊戲仲提供體感、點選及虛擬軚盤式操控，想點玩都得，而且畫質表現相當抵讚。
售價4.99美元（折約港幣$38.9）
撰文：布偉倫