搞鬼片場探班 好腥行！

444 嘩鬼等你

「救命呀！」搭正下午5點半，海洋公園即時傳來一聲拍戲似的慘叫，原來場內正上演緊驚嚇真人騷︱︱《哈囉喂共和國》，劇情發展圍繞8間不同主題的鬼屋，並衍生出一幕幕驚人情節，諸如「清宮殘異錄」、「喪屍絕地反擊戰」、「恐怖創作室」、「紙紮極樂園」、「猛鬼尾班車」等，但凡探班者都會無辜辜變成戲中主角，獲得444隻嘩鬼「激」情招待！

別以為好像Lacee Lacey一樣，約埋三五知己就能壯膽免出醜，皆因園內有一幕驚嚇場面叫「亡魂棺廠」，事發地點是一間只限一人進入的鬼屋迷宮，擺明車馬向大膽人士宣戰！

蜘蛛行樓梯？原來係一名鬼上身嘅小朋友，驅魔人你去咗邊呀？幫吓手啦，唔該……	貞子又嚟喇！雖然其長髮造型、出場模式冇乜驚喜，但驚嚇度一樣Keep得住！	人肉叉燒包？爛面廚師一句：「你今日食咗包未？」阿Jun即嚇到掰大口得個窿。

腥級片場

驚嚇指數：★★★（以5★最驚嚇）

未入正本戲，先來一幕太后加害妃子的前戲。不想成為太后的階下囚？醒定啲喇！	一班被打入冷宮的妃嬪，多年來獨守空幃，因此異常好「嚇」，搞到Lacee Lacey無晒符。	太后魔爪有幾厲害？睇見Lacee Lacey驚到縮埋，明晒！

搞嚇人把戲，當然要向經典鬼片偷師啦！除了場景布置熟口熟面，一班嘩鬼演員仲鬼死咁好戲，難怪Lacee Lacey一入場已經嚇到七情上面，We嘩鬼叫！

死不瞑目的娘娘，對權位戀棧有增無減，大家記得向她行個禮，免得惹麻煩。	鬼卒惡形惡相，仲要有備而來，各位女士不想毀容收場，速逃！	逃生走廊猶如畫廊似的，但兩旁的畫面模糊不清，仲會有東西忽然彈出，係人係鬼，Halen都被嚇到唔識分辨。

清宮殘異錄

驚嚇指數：★★★★

廠房有4條逃生滑梯，每個人都要單身滑下，獨自走完餘下旅程，掙扎都無用！	又撞鬼喇！上吊自殺的員工屍體如燒臘似的半天吊，恐怖氣氛令人透不過氣。	棺材廠不能亂闖，若不小心被管工發現，好可能會被囚禁，小心！

大製作通常都係跨時代，《哈囉喂共和國》亦徇眾要求，將其中一幕情節搬去晚清演出，不但邀得面目可憎的太后粉墨登場，還有不似人形的妃子、嚇人不眨眼的獄卒……

亡魂棺廠

驚嚇指數：★★★★★

要成功嚇人，不能一成不變，於是一班嘩鬼特別設計了一個荒廢廠景，內裏一片頹垣敗瓦，特別之處係探班者要在中途與友人分道揚鑣，孤伶伶逃離生產線，問你怕未！

特別推介：3D科幻鬼屋

家陣，睇戲要睇3D，睇Concert要睇3D，就連睇鬼屋一樣玩埋3D！今年，海洋公園運用了CAVE 0.5立體裝置投影技術，打造出全新鬼屋「3D惡夢潛行」，入場人士只要戴上3D眼鏡，充滿地道特色的嚇人影像即會從四方八面撲出，為大家帶來嶄新恐怖體驗！

海洋公園十月全城哈囉喂

搞鬼日期：9月24、25、30日

10月1、2、4、7~9、14~16、19~23、27~31日

搞鬼時間：5:30pm~12:00mn

夜場門票：成人$280~$325/位、小童$140~$163/位

今明兩天特設優惠價$112/位（小童）及$224/位（成人）

查詢電話：3923 2323

撰文：郭淑怡　攝影：郭凱敏