前兩天都提及Linguini Fini名字，就是未細說其菜式。好了好了，現在頭盤、意粉、主菜、甜品統統都端上來了。
一間餐廳，位於中環鬧市，提供各式意大利菜，環境舒適隨和，價錢相宜合理，沒把你鋸到成頸血頭都甩，你仲想點？在這個糧食價漲的地球，在這個寸金尺土的香港，都算係咁。
所以呢，我好欣賞Linguini Fini還願意再走多一兩步，力求「本地化」，採用本地食材，減少食物里程，實踐低碳生意。店內所有時令蔬菜，由同一集團旗下的本地有機蔬菜供應商提供，懂得自行操控材料，真有遠見。向外購入的豬肉，全是本地農場飼養的不含激素及抗生素豬隻，叫人吃得安心。而且豬隻「由頭到尾」用得都用，除了靚靚豬髀和豬腩，其餘部分都用以熬湯、搓肉丸、攪成肉醬或做香腸，毫不浪費。
諷刺的是，經營這盤「本地化」飲食生意的，不是土生香港人，而是兩名比香港人更香港的紐約客。他們經常穿T恤或Polo恤，一位愛黑色，另一位愛白色，「黑白雙煞」，款式好基本，亦不見得名貴，予人務實之感，完全切合生意取向。土生香港的餐廳老闆會走這條路線嗎？我不知道，但最常見的，是穿得好名貴，大談發達之道，強調食材由日本或歐洲每日空運抵港，還不斷在最低工資事情上出蠱惑。
有些人或說：「最緊要係好唔好味？」我覺得是落伍的想法。你的消費取向如何，你的未來生活也必如何。
旅遊飲食寫作人