陳柏熹職業病另類審美

陳柏熹（Harris）──Moiselle太子爺。外間所指的典型二世祖，家境富裕，外國留學，玩世不恭。Harris說他若當真要做二世祖，大可繼續「升學」或打風流工，不用在公司打卡捱夜；他不要做裙腳仔，目標是做個有影響力的人！

Harris在英國讀書，與賭王四太梁安琪長女何超盈老友鬼鬼，二人曾傳過緋聞，實則只屬煙幕。訪問當天，正值其品牌舉行花生騷，Harris在後台左穿右插，忙這忙那，超盈一早到場以示支持。Harris現在公司任創作總監一職，最主要是給予創作設計靈感，他希望把公司變得年輕化，他說：「Moiselle一向畀人感覺係成熟，如果有機會我都希望可以改變大家嘅諗法，依家成個趨勢都係年輕化，所以想畀人感覺我哋牌子除咗成熟，仲可以有年輕嘅選擇，係一個好多元化嘅牌子，世界趨向係咁樣，要國際化就要配合，係配合，而唔係盲目跟隨。」說得頭頭是道，一點也不像二十多歲的小夥子。

大陸女星范冰冰早前來港出席品牌活動。

馬虎了事過唔到關

Harris在英國畢業後就回港為父親陳欽杰打理家族生意，一星期上班五天，返十放深夜，上下班要打卡，遲到被罵，午膳時間一小時，放大假要申請，與一般打工仔無異，他說：「我覺得我要做個好榜樣，否則大家唔會服你，當同事唔信服你，心裏唔舒服，亦唔會做得好，大家坐埋同一條船，都係想公司好，所以我自己首先就要做得好。」

他說他有時想到新構思、新意念，跟爸爸媽媽表達，卻遭來當頭棒喝，笑言不是太子爺就說甚麼都行，他續說：「被拒絕當然會唔開心，但反而可以激勵我做得更加好，知道馬虎了事過唔到關，所以依家我大部分時間都係做嘢，朋友都話我變得自閉，成日都唔出去，因為我唔想四十歲先發憤，如果依家努力啲，做出成績，將來生活就係先苦後甜，當然亦有可能係先苦後苦囉！」說畢哈哈大笑。

台灣第一名模林志玲亦曾與陳柏熹結緣。

陳柏熹（後排中）與一班同事老友鬼鬼，打成一片！

事業衝刺拍拖閘住

做時裝行業，Harris除了能接觸最新款服飾外，也能認識到頂尖模特兒或當紅明星，美女見得多，Harris對審美也有另一種看法：「唔知係咪職業病，我睇女仔第一眼會留意佢哋膊頭，因為我哋成日搵啲model着衫都要膊頭好靚，或者咁講，女仔骨架好重要，唔一定要身材好好，亦唔需要好高瘦，最緊要均勻，樣反而係其次。」還未等及記者發問，Harris已經醒目地說：「不過我依家就單身，暫時都唔諗拍拖住，事業好重要，依家係衝刺期，我係一個拍拖會全情投入嘅人，所以現階段唔適合拍拖住！」

放大圖片	陳柏熹有時候古靈精怪，常想出鬼馬念頭。	陳柏熹常周遊列國，旅遊兼找尋創作靈感！
Moiselle花生騷，陳柏熹與父母忙於打點。