有「翻版徐子淇」之稱的模特兒鍾浠文（Zelia），表示不敢佩戴貴重的腕錶，她說：「因為工作關係，成日都要除錶及首飾，我又大頭蝦，好容易唔見，咁貴嘅錶，唔見咗會好心痛，而且亦唔捨得買畀自己，但我會捨得買畀媽咪，媽咪好錫我，只要佢鍾意嘅，我會畀錢佢買。（點解唔係親自買錶送畀佢？）如果我買錶送畀佢，未必啱佢心水，反而嘥咗隻錶，所以畀錢佢買自己心愛嘅款式，最為實際，但我知佢鍾意細錶面嘅錶。」