寶刀未老！12吋Indiana Jones

最像真鍾斯博士

數數手指，歷年來出過《奪寶奇兵》玩具的廠商可謂不計其數，Medicom、SideShow甚至Lego都出過，但好玩歸好玩，論神似程度就很多都唔見得人；因此當版權落在Hot Toys手上，奪寶迷都充滿期待。就首辦所見，質素沒有令人失望，由金大師Arnie Kim操刀的頭雕，無論雙眼、輪廓以至鬚根都栩栩如生；而且在P.E.R.S.系統下，眼珠可360度轉動，配合眉頭深鎖，望任何方向都炯炯有神。此外，為了令牛仔帽更為貼服，戴之前更可換上另一款偏身的軟膠頭蓋，可見設計甚有心思。

百變造型及配件

與之前的DX系列一樣，今次鍾斯博士亦擁有超像真的服飾配件，皮褸為真皮、牛仔帽為啤膠，連皮鞭都是以真皮織成，保證能屈能伸，絕非一體成形般馬虎。另外，鍾斯博士出名形象百變，所以隨盒會送多套阿拉伯裝，有齊頭巾、長袍及依足比例製成的「拉雅之桿」；惟可惜頭雕、素體都只有一個，否則就能一次過玩齊兩款造型。配件方面亦見大堆頭，包括10隻可換手掌、2把短槍、筆記簿及黃金神像等，當中神像更經過電鍍處理，望上去恍如真金般「燦眼」！

沿用舊有的狼人Body，優點是能提供30個可動關節。	皮鞋的反光度及車線都與真鞋無異！	金大師的超像真面相，配合360度可動眼球，令眼神更銳利。
雖然採用狼人Body，但廠商特別為福伯減少胸毛數量。	皮鞭用真皮織成，出廠時將加入鐵線以固定造型。	貴為DX系列，配件自然大堆頭過人。
附有10隻可換手掌，擺甫士更方便。	多送一套阿拉伯裝，畀Fans玩多個造型。

售價︰$1,580

預訂價︰$1,550

推出日期︰2011年第3季

撰文、攝影︰陳志滔

查詢電話︰2388 4677