Fusion壽司紅酒煲飯香氣醉人

米飯有酒香冇苦澀

平時飲紅酒，或多或少都有種苦澀的味道，令人望而卻步，不過以新派日本料理作主打的匠MAZTER，便首創手握紅酒飯壽司，以紅酒代替水來煲飯，最特別之處是飯粒充滿酒香之餘，卻嘗不出酒精及澀的味道，而且大廚更細心地配上紅肉或燒過的魚腩等，能充分發揮出肉的油香，就好像西餐以紅酒配牛扒般味道好夾，加上出餐前會在壽司上滴一滴紅酒，吃時能聞到更強烈的酒香。

此外，餐廳更細心地將吉列炸物分成兩種鬆脆度，客人可自選日本入口的厚身粗麵包糠或自家製鮮磨的幼麵包糠，前者令炸物的色澤更金黃、入口更鬆化脆口；後者所需油分較少，所以能鎖緊肉汁更Juicy，最佳的配搭就是炸廣島蠔，薄脆的外皮下嘗到爆滿的蠔汁，創出自己的獨特口味。

杧果蟹子沙律船$45 用冰製成的船仔裝住用杧果、青瓜、蟹柳絲炮製的沙律，要夠冰凍先好食。	北海道牛乳霜淇淋 $35 用北海道3.6牛奶做成的雪糕極濃奶味，加上自製的南瓜蓉墊底，一冷一暖加上鬆化的紅豆蓉，味道豐富。	兒童餐 $65 食物放在跑車形盛器內，煞是吸引，內有炸物、熟食卷物、壽司等，更有Oreo餅乾及益力多，全部都是小朋友的最愛。
味噌帆立貝茄子 $58 味噌加入茄子和帶子一齊煮，帶中日Fusion味道，鹹香中滲出鮮甜。	大葱醋雞 $48 中式的葱油雞加入在日本有130年歷史的內堀果醋，醋的酸甜能中和雞肉炸過的油膩感，很香口。	吉列炸豬扒 $43 可因應口味或食材而選擇粗幼不同的麵包糠。粗身的麵包糠用來炸豬扒最夾，口感鬆化，而且附有特製的燒汁及芝麻讓食客自家磨製，更好玩！

加入全新中華料理

這些紅酒壽司、吉列炸物都是匠MAZTER的首本名作，由上年3月於杏花新城開業便廣受歡迎，所以最近於坑口站連理街商場開設分店，除了保留這些創意菜式之外，更推出新菜迎合一家大細的口味，如4款中華料理全部都糅合日式元素，麻婆豆腐、胡麻醬燒骨等，一客葱醋雞便以中式煮法加上日本果醋，感覺更Fusion，最啱想試新口味的爸爸媽媽。至於小朋友都唔輸蝕，兒童餐由日本運到的跑車、飛機作盛器，入面有炸蝦、卷物及熟食壽司等，並附上Oreo餅乾及益力多，睇得又食得，未食都覺得開心。

上面是日本入口的粗身麵包糠，下面是大廚每天鮮磨的幼麵包糠，兩者炸出來的口感各異，想保持肉汁，配幼身的較佳。	餐廳的座位夠闊落，而且光猛明亮，感覺很舒適。	店內有兩部雪糕機每天即製雪糕，夠新鮮又滑溜，而且更特設外賣專櫃。

撰文：陳恩怡

攝影：陳富權

查詢電話：2673 8218