聖誕當然要為身邊朋友加添節日氣氛，除了可用iPhone幫至愛執個聖誕Look、為相片加入飄雪效果，仲有大批應節Apps同朋友分享。就算搭車等人都可起番間私人Resort、同聖誕老人周圍飛，齊齊感受節日氣氛！
售價：免費
聖誕老人今次唔靠雪鹿，話想自己試飛一下，利用聖誕車做發射台，將自己射到半空，再利用前後鍵調校騰空動作。滑翔時間愈長就有愈多金幣，用來購買不同裝備，作出風阻、重量和加速等微調，讓玩家挑戰更遠距離。
售價：免費
聖誕節是全球大節日之一，有不少相關新遊戲，好似《X-mas Resort》就於小島內興建聖誕俱樂部，分別以娛樂、飲食、住宿同豪華層面來評分，並有不同設施幫大家提升級數。除了能吸引遊客之外，開心值亦會相應提升，如果儲夠錢仲可買多幾間Resort！
售價：免費
《DropBrick Christmas》遊戲中的聖誕禮物擺在高處，需要大家小心拆除磚塊，令聖誕老人與一眾公仔「安全着陸」才算成功。而拆卸的次序和方法有多種變化，大家可以挑戰拆最少磚而又拎到公仔，咁就最叻啦！
售價：免費
iPhone Apps中，推銀機都可說是經典，行街搭車無時無刻都見到人玩。今次《Xmas Frenzy》就推出一炮三響的聖誕糖果版，包括最基本的聖誕老人版，以及兩款要解鎖的雪人版和木偶版，加埋要儲齊幾十款禮物，真係要日日玩先得。
售價：免費
電子書近年迅速普及，不但大人有書睇，就連小朋友都兼顧得到，好似《Twas The Night Before Jasper's Christmas》便講述小狗Jasper同小貓朋友的聖誕搞笑事，兼備文字和語音描述，一邊聽一邊睇，集學習與娛樂於一身。
售價：免費
今次《ZoZo X-mas》玩法同方塊遊戲差不多，每個單位以兩個聖誕球組成，只要4粒同款相連就可清除。遊戲速度唔算快，用來消磨時間就最啱。
售價：免費
貼紙相好多女仔都鍾意，貪佢圖案夠得意又有創意，想應節的話《Photoframe X'mas》可說是最佳選擇。除備有基本相框外，仲有雪人、聖誕帽同聖誕鐘等多樣圖案，並可加入文字塗鴉，與朋友畫出獨特又有紀念價值的貼紙相。
售價：免費
白色聖誕是很多香港人的夢想，《White Xmas》軟件就可幫大家夢想成真。一入影相介面已見到飄雪效果，無論白天或夜晚隨時都影到雪景，而且雪花有遠有近，睇落效果幾逼真！
撰文：李家俊
攝影：蘇榮基
模特兒：Memi