甜蜜BBQ VPC-PD1過片快人一拍

秋高氣爽，最啱就係假日郊遊燒嘢食，一家人聚首總會發生不少趣事，不過BBQ要拎咁多嘢，仲要帶住大大部相機和攝錄機，諗起都覺得麻煩。好彩有的骰小巧嘅Sanyo VPC-PD1，既能影靚相又可拍攝高清片，仲可以內置USB直駁電腦上傳Facebook和相簿，影相拍片分享全部一Take過。

售價：$2,190

內置USB 隨插分享短片

Sanyo向來玩槍形影相攝錄機經已夠細夠薄，今次更突破傳統設計，整部VPC-PD1換成長方形機身，於兩側突出收音咪，拍低同屋企人燒嘢食情況，加埋立體聲效果倍覺傳神。周日難得聚首一堂，最好梗係擺段片上YouTube，向海外親友分享近況，這時只要將PD1的內置USB頭拔出來，再插到Netbook上，唔使經讀卡器或USB線，於相機內選定連接設定，便能自動安裝到電腦內，即時分享全高清短片。想將BBQ或玩遊戲的片段上傳到Facebook一按搞掂。

放大圖片	「咁細部機就拍到1,920×1,080！」	「呢個甫士靚，即刻影張相先。」
VPC-PD1內置USB插頭，可即時將短片傳至電腦。	備有mini HDMI直駁電視，將全高清片段與人分享。	機側兩邊備有收音咪，拍高清片時錄埋立體聲，效果更好。

閃燈設於鏡頭上方，夜晚影相補光更加方便。

全自動拍攝捕捉精彩時刻

雖然VPC-PD1經過重新設計，但機背按鈕仍然保持左拍攝、右攝錄嘅Dual Camera特性。由於新機以輕薄易用掛帥，所以操作非常簡單，想拍低燒嘢食情景，只需設定短片大小，而在拍片時按下左邊快門，還可同時拍攝200萬像素相片。想影高像素相片的話，則可轉換拍攝模式，將畫質設定至1,000萬像素，甚至利用相機內置軟件將影像插值至最大1,200萬像素，咁就唔使又拎DV又拎DC咁麻煩。

就算夜晚搞營火會，VPC-PD1都可開啟內置閃燈，機身會自動調校相關拍攝設定，加上快門鍵以二段式設計，對好焦後再稍稍按實快門便完成拍攝，小朋友都識用。