海旁撐枱腳泰識歎

平日無時間，就連拍拖都匆匆忙忙，幾乎變例行公事。趁放假得閒，行街睇戲之餘，仲可以搵間靚景餐廳同拖友撐枱腳。尖東海旁新開的泰國餐廳，裝修摩登有型，兼有開揚露天位，對着維港靚景食飯，談心睇日落，名副其實「泰」識歎。

維港景睇過N次，仲有吸引力？係，試想想吹海風、咬耳仔已夠浪漫，更何況這是本港的一大殺着，所以海景位向來搶手。而尖東海旁的永安廣場，最近就一連開了幾間新餐廳，其中有格調獨特的泰國餐廳Chaang Thai。

有別於一般泰國餐廳，這裏不賣Resort Feel，反而走摩登路線。門外既放有戶外家具，可對着海景開飯，入內更見到裝有水池的大餐枱，花朵裝飾、燭台隨水漂蕩，加上噴煙效果，極富詩意。店內裝上全黑鏡面，配合熒光粉紅、橙黃等奪目色彩，令人眼前一亮，偶爾也見到泰國裝飾品，雖型格亦不失傳統。

翻開餐牌，眼見全是傳統泰國菜，皆因有兩位泰國廚師主理，但菜式一上枱便知不平凡，西餐常見的白色餐具，用來盛載沙律、金邊粉；泰國串燒會放在木桶內，增添「和」味，還有杧果黑白糯米飯竟用上高腳金碟，感覺優雅。

除新鮮賣相，不少菜式更大搞新意，以日式鐵板來烹調，師傅站在鐵板前，用兩隻鏟炒金邊粉、炒蜆及炒菜等，「清清撐撐」的，甚有氣勢。據知用鐵板控制火力難度甚高，盡騷師傅手藝，煮出來的食物亦多添香氣，好吸引。品嘗佳餚的同時不妨飲杯餐廳自創的泰式雞尾酒，加入香茅、南薑、辣椒等調製，滿腔地道風味。

泰式炒蜆特選大大隻沙白入饌，爽甜而不鞋口，用洋葱、辣椒、金不換、辣椒膏及椰奶等調味，辣得來有層次感。$65	金邊粉以鐵板形式炒香金邊粉，極考師傅功力，豆腐乾、蝦、泰國蝦米、芽菜均炒得入味，比一般的更香口。$75	Mango Passion（前）、Phuket Lychee Martini（後）餐廳自製的泰式雞尾酒，前者以伏特加、橙汁、杧果汁等調製，更有泰式三色粉條作點綴；後者將冧酒、荔枝甜酒混合香茅、南薑，帶點點辛辣，刺激味蕾。$58/杯
糯米杧這傳統甜品可能已食過好多次，但換上新賣相，即叫人眼前一亮，餐廳還附上一瓶椰汁給客人調味。$28	進門便看到餐枱上有個蓮花小水池，還會噴出縷縷白煙，甚有詩意。

大廚Chai來自泰國清邁，在當地可說是傳統泰菜的代表，據他說當地人愛食白糯米，一日三餐無飯不歡，還愛以香葉、肉類及蔬菜等入饌，味道偏濃香，尤以燒雞、青木瓜沙律等最有名，難怪餐廳內的泰菜亦帶清邁風味。

撰文：楊淑英

攝影：梁偉德

模特兒：Burmie W、Steven T（Omni Model）

查詢電話：2111 0922

泰式炒蜆特選大大隻沙白入饌，爽甜而不鞋口，用洋葱、辣椒、金不換、辣椒膏及椰奶等調味，辣得來有層次感。$65	金邊粉以鐵板形式炒香金邊粉，極考師傅功力，豆腐乾、蝦、泰國蝦米、芽菜均炒得入味，比一般的更香口。$75	Mango Passion（前）、Phuket Lychee Martini（後）餐廳自製的泰式雞尾酒，前者以伏特加、橙汁、杧果汁等調製，更有泰式三色粉條作點綴；後者將冧酒、荔枝甜酒混合香茅、南薑，帶點點辛辣，刺激味蕾。$58/杯
糯米杧這傳統甜品可能已食過好多次，但換上新賣相，即叫人眼前一亮，餐廳還附上一瓶椰汁給客人調味。$28	進門便看到餐枱上有個蓮花小水池，還會噴出縷縷白煙，甚有詩意。