池畔開P　Rika食玩夏水禮

包場唱K、游水

從加拿大回港發展的Rika，性格「鬼妹仔」，愛玩愛笑好活潑，節目多多，她說：「我會成日同朋友見面，通常鍾意小班Gathering，方便傾偈，但如果係新相識、或者同事，不如包場開P，咁就夠晒熱鬧啦！」相信以下介紹的帝景酒店「仲夏樂游游派對」，就啱晒Rika啦！派對最少三十人，就可以有玩有食，叫晒全人類都得。

先睇睇派對「玩」的部分，用盡四間相連房間，大家可以隨便「自由活動」：唱K、打牌、去泳池邊攤抖，甚至乎落水玩，酒店仲提供埋浮床、水泡、水槍等，可以盡情玩餐飽。睇Rika一身健康膚色，就知做慣運動，她即時跳落水，仲大嗌好清涼。

蝦肉焗釀蟹蓋 蟹蓋內釀有新鮮蝦膠肉及蟹肉，焗香後特別好食。

K房寬敞舒服，可即時開個迷你個唱。

食自助餐回氣

玩到攰，當然要開餐補充吓啦，派對餐牌共分成三種，按食物種類而定，最平每位$220起，可以品嘗多款派對小食，而想食得豐富啲，又可以選擇每位$380或$440的套餐，以自助餐形式奉客，後者更有池畔BBQ，大廚燒肉時香氣四溢，即使游游吓水都想上岸食。

Deep Freezer Bottle $120（左）、$98（右） 外層使用Non Toxic Freezer Gel，可保冷2~4個鐘，連飲水都冰涼透心。	放大圖片	放大圖片

平日都有下廚煮飯的Rika，對辛辣菜式、甜品、三文魚及羊肉特別情有獨鍾：「呢個池畔派對都幾多嘢食喎，我最鍾意水果、甜品，夏天會食得清淡，而且都要Keep Fit，想再靚啲嘛。」

格仔毛布 $78/條 天氣熱得令人經常出汗，帶備軟綿毛布，便可時刻乾爽。	Havaianas $140 經典人字拖，輕身舒服，而且七彩繽紛，方便襯出不同Look。	燴雜錦莓子配乳酪雪糕 底層是用糖煮過的莓子，帶點橙的香味，特別在面層的乳酪雪糕，甜酸度剛好，很醒胃。

池畔歎燒烤

即使未能約齊大班朋友開P，仍然可以享受池畔風光。像位於金鐘的港麗酒店，其中Garden Cafe就於即日至九月期間，在午市及晚市推出$280三道菜的燒烤套餐，包括凍湯、燒烤主菜（四選一）及甜品，食得滿足。

Garden Cafe圍着池畔，任何方向都可看到這靚景。	煙三文魚香蒜薯蓉凍湯 看似很Heavy、很Creamy的凍湯，其實入口清新，嘗到薯仔、煙肉及蒜香味，冰涼透心。	羊扒配田園沙律伴合桃醬 田園沙律入口微酸，最適合襯燒肉類款式，燒至四成最美味。

大熱天時去燒烤，難免會有中暑危機，但來這裏，大可翹埋雙手等人代勞。以煤氣推動的炭燒爐，溫度高達攝氏幾百度，可迅即鎖住肉類、海鮮的表面，保存內裏水分，食落不會乾爭爭，還加入少許秘製調味料，分外惹味。

仲夏樂游游派對

內容

可免費享用池畔酒廊、房間、麻雀耍樂及卡拉OK音響設備4小時

免費暢玩游泳池1小時（暢游時間只限9:00pm~10:00pm）

2小時無限量供應汽水、橙汁及本地啤酒

免費乘搭穿梭巴士由酒店往來荃灣及尖沙咀等

收費：每位$220起(30人起)，另收加一服務費

落水小裝備

無論是去Pool Side Party，或是到海灘大玩特玩，不妨帶備以下用品，自然玩得更盡情。

Rika近況

忙完寫真集宣傳後，現與其他OctoBeez成員每日努力練歌練舞，既跟師兄們Bro 5合唱，亦有拍廣告，實行多方面發展。

查詢電話：3716 2810

撰文：楊淑英

攝影：陳富權、盧展程、林資凱（部分）

髮型：Matthew To@Chin. G