8月起勢吔大連鮮鮑

中國人最講究不時不食，炎炎夏日有乜當造食材？除了消暑冬瓜和西瓜，還有你估都估唔到嘅鮮鮑魚。產自中國東北大連的鮮鮑魚每逢夏季6至8月都是盛產之時，隻隻肉厚鮮甜味美，難怪一眾食府都抓緊時機，推出一系列以大連鮮鮑入饌的菜式犒賞你我味蕾。

鮮鮑更有益煎炒煮炸皆宜

吃鮑魚，人人知道要吃溏心，其實溏心鮑魚乃以乾鮑扣成，如果論營養，還是新鮮鮑魚較勁，古稱「海耳」的鮑魚含有豐富球蛋白和鮑素，對身體的新陳代謝機能有正面作用。而市面常見的鮮鮑大致分為孔雀鮑、九孔鮑及大連鮑三種，孔雀鮑形狀大而肉質較硬，九孔鮑形狀較小，多用來做果皮蒸鮑魚之類的傳統菜式，以鮑魚吸收配料之濃香；而大連鮑魚大小適中、肉質軟腍，煎、炒、煮、炸樣樣皆宜，是以成為最「玩得」的鮮鮑魚種類。時值夏天，大連出產的鮑魚隻隻靚，外殼亮麗、肉身脹大而厚肉，一觸鮑魚身它便即時縮小，一看便知是新鮮生猛。

肉厚好玩得新舊材料任配搭

帝都酒店帝玉庭的廚師教如何處理鮮鮑魚：鮑魚買回來後先以暖水浸泡，洗淨鮑魚的腸臟，再置於冰水之內將其雪死、清走污物才可用來烹調。另外煮鮑魚需注意烹調溫度，因為鮮鮑不能以60℃以上烹煮，否則會將其肉質煮爛，如果需要煎炸，便需在鮑魚各面均勻塗上脆漿或其他材料，以封住整隻鮑魚，避免直接烹煮。最近帝玉庭推出大連鮮鮑菜式，既有以鮑汁扣上約兩小時的傳統煮法，亦有不少創新意念，以芝士、鍋巴、番茄絲配搭鮮鮑。

店內環境清麗典雅，除了大堂雅座外還設有卡位，令用餐環境更寧靜優雅。	油泡鮮鮑魚 $138 (a) 為免以過高溫煮爛鮮鮑，先在面層界花才拿去油泡，上碟後在面層灑上中芹碎、辣椒碎及蒜米，做法帶點潮州風格。	芝士牛油煎鮑魚 $138 (a) 巴馬臣芝士粉蓋上鮮鮑，底面以牛油香煎，其香醇口味與鮮鮑非常配合，再配合較濃味的芝士醬及鍋巴同吃，享受多重口感與味道。
鮑魚汁生扣鮮鮑魚 $138 (a) 古法扣鮑魚約半小時並襯以莧菜底，金黃色則來自炸過的雞塊及唐排熬出來的上湯醬汁，足見大廚別具匠心。	砵酒焗鮮鮑魚 $138 (a) 鮑魚兩面均勻沾上脆漿，防止被高溫油炸壞；以自家調製的燒汁及砵酒同焗，香口味濃，佐酒一流。	冷翡翠凍鮑魚 $35 (a) 以帶子上湯浸熟大連鮮鮑魚，將鮮味逼入鮑魚之中；配上番茄絲同吃，加添清涼口感。
青瓜片煮鮮鮑魚 $138 (a) 將大連鮮鮑與青瓜切得厚薄相若，並以薑片、紹酒及上湯浸熟，鮑片爽身而青瓜片腍滑得猶如闊條麵，又是驚喜所在。