大坑街角歎北海道花Cheese Cake

紅磚牆氣氛歐陸

Katy愛黐家亦喜歡下廚，經常會返屋企玩煮飯仔，就連出街食飯都會揀有Home Feel的餐廳。她笑說：「如果同朋友出街食飯，都幾鍾意揀上樓餐廳，好似舒服啲，有私隱啲。」不過，當Katy來到這位於地面的la brezza CAFE，也覺得有親切感：「呢度好有歐陸Feel，室內布置得好屋企，簡潔乾淨，好鍾意呢啲有個性的店舖。」

店主Kathy就是喜歡大坑那種左鄰右里，而位於街角的舖頭，跟她印象中的歐洲小店甚為相似，便開了間Cafe，這裏座位不多，但可選坐店外及「後園」的露天位置，供應的食物也帶有歐洲色彩，像頭盤有西班牙Tapas，蒜片蝦、炒雜菌、西班牙腸等，此外，更有用新鮮海鮮炮製的意粉、意式三文治等。

Crab Meat Penne With Tomato Sauce $138阿拉斯加蟹肉跟燈籠椒、洋葱、蒜蓉及茄汁炮製，酸香鮮味，長通粉煮得Al Dente，夏天食最啱味。

椰皇意式奶凍$48這款混合了新鮮椰皇水的，就像是平日的改良版本，清清甜甜更吸引。

混合芝士整蛋糕

愛食甜品不要正餐的Katy，最喜歡這裏的甜點，大廚煮甜品出身，所以出品水準甚高，還愛做些新花款，像加入玫瑰、茉莉花等炮製的芝士蛋糕，混合了Marscarpone及忌廉芝士，比一般的質感輕盈；拖肥焦糖燉蛋混合拖肥味，面層更以拖肥代替，還有椰皇意式奶凍、無麵粉的72%朱古力蛋糕輪流登場，定叫甜品迷歡喜。

蒜片蝦$68經典西班牙Tapas，彈牙虎蝦帶着蒜香、辣椒香，除可配平日供應的紅白酒外，逢星期五、六更有Sangria供應。	大坑這小區的確滿是驚喜，像街角處也可變成歐陸式的咖啡店。	北海道牛奶芝士蛋糕（前） $38、Latte（後） $44以大熱的北海道牛奶做芝士蛋糕，奶香濃郁的，配以一杯由半自動咖啡機及專人沖製的咖啡，最美味的配搭。

Katy邊食邊說：「北海道牛奶芝士蛋糕味道好輕盈，質感軟滑，我好怕食厚厚的芝士蛋糕，自己整都會做薄啲芝士層，做厚啲個餅底，加好多水果，仲係做少甜版本。做過藍莓芝士蛋糕，都幾受朋友歡迎，最近就轉做海綿蛋糕，但原來都唔容易做，睇怕要學多幾次先得。」

室內布置以木為主，還配以很有Home Feel的座椅、吊燈，難怪Katy會喜歡。	「後園」露天位置換上戶外家具，不妨來享受懶洋洋的下午吧！	龔嘉欣

Tapas==西班牙餐前小食

如想認識西班牙的飲食文化，你便要知道甚麼是Tapas。西班牙人習慣很夜才食晚飯，便會於餐前來點Tapas、飲啖酒，而這類餐前小食非常多花款，像蒜片蝦、西班牙奄列及番茄多士等，冷熱、煎炸一應俱全，還全部分量小巧，或以牙籤串起，方便佐酒品嘗，以及多試幾款。食Tapas最重要是氣氛輕鬆，大家都愛邊飲邊食，近年還深受港人歡迎，Tapas Bar愈開愈多，形成一種新食潮。

龔嘉欣飯後感

屋企人好叻煮飯，個個都有教過我，自己會煮中式小菜多啲，意粉有時都會煮，感覺上無食飯咁飽滯，呢度啲蟹肉茄汁長通粉煮得好Al Dente，啖啖鮮甜。

試食報告

環境氣氛：*****

好味指數：*****

必食推介：北海道牛奶芝士蛋糕、蒜片蝦　

人均消費：$100