樂基兒撐好友瞞婚
樂基兒（Gaile）昨日出席時裝活動，提到Lisa S.與吳彥祖秘密結婚，雖然身為好友的Gaile被蒙在鼓裏，但同樣是過來人的她也力撐對方，認為每個人也有自己的生活，毋須與眾分享。
黎明嫂Gaile昨日出席朗豪坊舉行的「Salad 2010亞太區代言人發布會」，活動上，大會重播Gaile入行十年的片段，以及請來本地Figure大師Eric So創製出以Gaile為造型的真人尺碼人形公仔。
厚唇乃特色
由於公仔的嘴唇造型誇張，Gaile見到即時笑出來，又嘟嘴影相，她坦言不介意其厚唇成為焦點，她說：「都慣咗，冇唔鍾意，個公仔幾有我特色，係啲人對我嘅睇法，都係做嘢啫，我冇唔鍾意。」
另外，早前Lisa S.與吳彥祖秘密結婚，身為過來人兼Lisa好友的Gaile直言事前不知情，她說：「你講我咪知囉！如果係真，我會恭喜佢哋，會戥佢哋開心，佢哋拍咗拖咁耐。（會唔會嬲佢唔通知你？）唔會，每個人有自己嘅Personal Life，唔需要同大家分享，係開心事，戥佢哋開心就夠，呢件事係關於佢哋，唔係關於我。」
唔覺學自己
對於Lisa曾在傳媒前講大話瞞婚，問到Gaile是否體諒對方做法，她坦言：「佢講唔講畀大家知無所謂，唔關我哋事，如果佢想公開，自然會講。（佢哋學你？）我唔覺得，呢個世界有好多人，就算唔係呢行，都有呢個做法，可能有幾萬人咁做啦﹗」Gaile又稱不會專登打電話給Lisa道賀，提到Lisa指婚後會積極造人，問Gaile有否生仔大計時，她認為一切順其自然。 文：名人組