英飾民族

Matthew Williamson曾効力

Accessorize在倫敦，絕對可以用「梗有一間喺左近」來形容，事關在旺區隔兩條街就有一間。這個來自英國由Peter Simon創辦的High Street Fashion配飾品牌，屬英國著名服飾品牌Monsoon的姊妹品牌。原本Accessorize屬Monsoon內的配飾部，但由於大受歡迎而於1984年自立門戶，開設首間專門店。英國著名時裝設計師Matthew Williamson畢業後亦曾在此品牌店工作。去過歐洲的朋友都知道，不只是英國，甚至是全歐洲都見其蹤影，事實上現時品牌於全球55個國家已開設超過一千間專門店，近年開始進軍亞洲，在日本、南韓及台灣等地開店，直到最近品牌終於登陸香港，分別進駐九龍塘又一城及中環ifc。

民族配飾耍家

踏進Accessorize立即被大量大小配飾包圍着，各類型頸鏈、耳環、手鏈、頭飾到手袋遍布牆身及每個角落，但以民族色彩的最搶眼同最出名。多款色彩繽紛的珠仔手鏈、長身頸鏈、大花頭飾同繡花手袋等，用作配襯大熱的民族Look最適合不過。配飾幾十元起就有交易，頸鏈約百多二百元，而誇張如高級名牌的頭飾都是幾百元，非常抵玩。

彩色珠仔耳環 $170	青藍色扇形耳環 $100	啡色系圓環頸鏈 $225
彩色羽毛頭箍 $170	白色藤織立體蝴蝶結頭飾 $400	彩色珠仔頸鏈 $200
雀仔耳環 $112	雜錦幼手鏈 $170/套

撰文：朱寶茵

攝影：方偉堅

模特兒：Catherine

化妝及髮型：Make Up For Ever

查詢電話：3104 1190