「當你朋友先講！我幫你打直個鼻樑，再打埋瘦面針，打埋額頭，總之成塊面整晒佢，大家朋友，我就收最平個價啦！符合晒黃金比例，一定靚晒！」一個美容醫生的說話。
「當你朋友先畀呢個價！真係邊個都做唔到，大家老友，我推晒出面啲嘢，同你裝修先，兩個月搞掂！」一個室內設計師的說話，結果是用了天價的價錢，但年半之後仍未入伙。
「當你朋友先講！你身體咁差，買呢啲水晶放喺床底、枱底同電腦枱底，只係用十萬蚊啫，就可以改善晒你屋企嘅磁場，到時你個身體就會好o架！」一個賣水晶的人說話，此人未幾被拘捕，控罪是行騙。
「當你朋友先講！呢粒紅寶石，如果賣畀內地客，起碼貴十倍，我見大家香港人，呢粒石，今日用底價賣畀你！」一個在內地開珠寶店的老闆說話。
以上事件，全部真人真事，我相信很多人都有類似經歷。
以「朋友」之名的陷阱，不知迷倒多少人，這些「朋友」擁有極強親和力，令你覺得他們是真正朋友。
好些被迷的人，心知上當，還捧着「人善人欺天不欺」這句解慰說話做人，這種阿Ｑ精神，的確可以幫助生存，但並不能幫助你揀選真正的朋友。
與其埋怨他人設計陷阱，倒不如告誡自己，當聽到類似「當你朋友先講！」的說話時，記得加倍警惕眼前這位「朋友」。
臨床心理學家