吳嘉龍撇女友歎咖啡
吳嘉龍於外地留學時養成了喝咖啡的習慣，昨日他出席美麗華商場「藝。術咖啡館」活動時表示：「以前讀書成日開夜車，靠飲咖啡提神，飲即沖就算，返嚟香港先真正識得欣賞咖啡。有時去街女友要Shopping，咁我就會去Coffee shop邊歎咖啡邊等佢，感覺好Relax。我仲會自己煮咖啡，由咖啡豆、水同埋溫度都好講究，係一種學問。（女友鍾意飲？）佢好鍾意，佢煮得仲叻過我，其實係佢教我煮，佢都成日煮畀我飲，我覺得係一種情趣。」
他最近正在拍攝一個煮食節目，要到街市買菜，他說：「我鍾意行街市多過行超級市場，因為可以同啲小販有交流，佢哋會話畀你知今日有咩新鮮，有咩好食。（同女朋友玩煮飯仔？）佢鍾意自己煮，用佢自己嘅方法煮畀我食，佢食得好健康。」